Belgili parlamentshiniń qurmetine shahmattan týrnır ótedi
ASTANA. Jeltoqsannyń 9-y. QazAqparat /Aıdyn Báımen/ - Erteń, jeltoqsannyń 10-y kúni Májilis úıinde depýtattar men Palata apparaty qyzmetkerleriniń qatysýymen jedel oınaý túri boıynsha shahmattan týrnır ótedi,
dep habarlaıdy QazAqparat.
Dástúr boıynsha ár partııaǵa 7 mınýt ýaqyt belgilengen. Bul týrnır birinshi saılanǵan Qazaqstan Respýblıkasy Parlamenti Májilisi Tóraǵasynyń orynbasary Vasılıı Ivanovıch Osıpovtyń týǵanyna 70 jyl tolýyna arnalyp otyr.
V.I.Osıpov 1939 jyly jeltoqsannyń 12-si kúni burynǵy Taldyqorǵan oblysynyń, Qapal aýdany, Arasan aýylynda týǵan. Qazaqstannyń demokratııalyq qalyptasýy jolynda belsendi qyzmet atqarǵan.
Elimizdiń turaqty damýyna sińirgen qajyrly eńbegi memleket tarapynan joǵary baǵalanyp, «Halyqtar dostyǵy», «Parasat» ordenderimen jáne birneshe medaldarmen marapattalǵan.
Ol azamattyq tulǵasymen, ómirge degen erekshe qulshynysymen jasqa úlgi, tustastaryna syıly bolyp, árdaıym el-jurttyń aldynda abyroıly eńbek etti. Otanymyzdyń shynaı patrıoty bolǵan adam. Memlekettik tildi óte jetik biletindigimen úlgi bolǵan azamat edi. Ol memlekettik qyzmette 50 jyldan astam abyroıly qyzmet atqardy. V.Osıpov 2008 jyly ómirden ozdy.
