Belgili Olimp.KZ býkmekerlik keńsesine qatysty qylmystyq is qozǵaldy - Qarjy polıtsııasy
ASTANA. 9 qańtar. QazAqparat - Almaty qalasynyń Qarjy polıtsııasy departamenti iri kólemde salyq tóleýden jaltardy degen kúdikpen Olimp.KZ býkmekerlik keńsesine qatysty qylmystyq is qozǵady. Bul týraly vedomstvonyń baspasóz qyzmetinen habarlady.
Qarjy polıtsııasy qyzmetkerleri anyqtaǵanyndaı, búgingi tańda Qazaqstanda «Olimp.KZ býkmekerlik keńsesi» JShS-na tıesili 409 «Olımp» kassasy tirkelgen. Júrgizilgen arnaıy is-sharalardyń nátıjesine qarjy polıtseıleri Olımp býkmekerlik keńsesinde 400-den astam kassada salyq salynatyn kiristi jasyrýdyń jolǵa qoıylǵan júıesin anyqtady. Aldyn ala málimetter boıynsha, salyq organdarynan jasyryn ustalǵan kiristiń jalpy kólemi 300 mln. teńgeden asady. Atalmysh fakti boıynsha iri kólemde salyqtan jaltardy degen aıyppen qylmystyq is qozǵaldy. Sonymen qatar alaıaqtyq faktisi boıynsha utyp alǵan utystaryn «Olımp» kassalarynan ala almaǵan azamattardyń shaǵym-aryzdary da tekserilip jatyr.
