Belgili qylqalam sheberi Jeńis Kákenulynyń kórmesi ashyldy

Bul joly kórmede sýretshiniń 48 eńbegi halyq nazaryna usynyldy. Kórmeniń ashylý saltanatynda sóz alǵan sýretshi, Qazaqstan sýretshileri Odaǵynyń múshesi, Qazaqstannyń mádenıet qaıratkeri Qalıolla Ahmetjan óz áriptesi Jeńis Kákenulynyń shyǵarmashylyǵy týraly jan-jaqty áńgimelep berdi. «Búgingi kórmede avtordyń negizinen jylqy taqyrybynda salǵan kartınalary el nazaryna usynylyp otyr. Jylqyny árbir qazaq ta, musylman da erekshe qadirleıtini anyq. Jylqy arqyly ulttyq qadir-qasıetimizdi, bastan keshken taǵdyrymyzdy kórsete bilgen»,- dedi.

Kelesi kezekte sóz alǵan Astanadaǵy «Folıant» baspasynyń bas redaktory Raýshan Turlynova jýyrda jaryq kórgen sýretshi Jenis Kákenulynyń «Aq zer» kitaby týraly oılaryn ortaǵa saldy. Memlekettik tilde jazylǵan osyndaı kitaptardyń sırek ekenin aıta kelip, bul kórkem jınaqty mektep baǵdarlamasyna engizý týraly usynysyn bildirdi. Bilim jáne ǵylym mınıstrligine usynys bildirý qajet ekenin alǵa tartty.

Jınalǵandar aldynda sóz sóılegen sýretshi J. Kákenuly kitabyn shyǵarýǵa qoldaý jasaǵan «Folıant» baspasyna rızashylyǵyn bildirdi jáne belgili qylqalam sheberlerine ózi salǵan portretterin syıǵa tartty.