Belgili KVN oıynshysy 12 jylǵa sottaldy

ASTANA. QazAqparat - Tájikstan bas prokýratýrasy asa iri mólsherde memlekettik qarjyny jymqyrdy dep aıyptalǵan belgili KVN oıynshysynyń isine qatysty málimdeme jasady, dep habarlaıdy «Hovar» agenttigi.

Jergilikti BAQ-ta onyń qylmystyq áreketteriniń saıası astary bar degen qaýeset taraǵan bolatyn.

«Sońǵy kezderi BAQ-ta Haırýllo Mırsaıdovtyń isine qatysty qaýeset júr. Keıbir habarlarda onyń qylmystyq áreketteri jýrnalıstik qyzmetimen baılanystyrylyp, saıası astary bar ekenine meńzeledi. Tájikstan bas prokýratýrasy osy máseleni naqtylaıdy. Іs materıaldarynda H. Mırsaıdovtyń jýrnalıstik nemese saıası qyzmeti týraly eshqandaı málimet joq. Ol Hýjand qalasynyń soty tarapynan KVN komandasyna basshylyq etken kezinde jalǵan qujattar arqyly memlekettik qarajattardy jymqyrǵany jáne aýyr qylmys týraly jalǵan aqparat bergeni úshin qylmystyq jaýapqa tartylǵan», - delingen málimdemede.

Іs materıaldaryna qaraǵanda, H. Mırsaıdov KVN komandasynyń basshysy retinde 2014-2017 jyldar aralyǵynda Máskeý, Sochı jáne Bishkek qalalarynda KVN oıyndaryna qatysý úshin Soǵdy oblysynyń memlekettik bıýdjetinen 976285 somonı mólsherinde qarajat alyp, sonyń 123913 somonıin jalǵan qujattar arqyly jymqyrǵan.

Hýjand qalalyq soty ony aıypty dep tanyp, 12 jylǵa bas bostandyǵynan aıyrýǵa úkim shyǵardy.

Aıta keteıik, 1 somonıdiń baǵamy shamamen 37,55 teńgeni quraıdy.