Belgili kúıshi Muqash Tańǵytuly dúnıeden ozdy
NUR-SULTAN. QazAqparat - Belgili kúıshi, Іle, Altaı, Tarbaǵataı kúıshilik mektebiniń beldi ókili, Shyǵystyń shertpe-tókpe kúılerin jalǵastyrýshy, kúı zertteýshisi Muqash Tańǵytuly 2022 jyly 12 tamyz kúni naýqas sebebinen Almatyda qaıtys boldy, dep habarlaıdy QazAqparat tilshisi.
Belgili kúıshi Muqash Tańǵytuly 1962 jyly 15 jeltoqsanda QHR-dyń Shynjań ólkesi, Tarbaǵataı aımaǵynda dúnıege kelgen. 2003 jyly atamekenge qonys aýdarǵan.
Táýelsiz Qazaq eline kelgennen beri Shyǵystyń shertpe-tókpe kúıleriniń halyq qazynasyna qosylýyna kóp eńbek sińirdi. Atalǵan kúıshilik mektep týraly birneshe zertteý kitabynyń avtory, «Halyq kúıshisi» tósbelgisiniń ıegeri, Halyqaralyq kúıshiler odaǵynyń múshesi, «Shyǵys shertpesi» ansambliniń negizin qalaýshy.
