Belgili kompozıtor Keńes Dúısekeev qyzylordalyq jastarmen júzdesti
Belgili kompozıtor Keńes Dúısekeev Jańaqorǵan aýdanynda shyǵarmashylyq saparmen boldy. «Jańaqorǵan áýenderi» respýblıkalyq jabyq baıqaýyna jetekshilik etken kompozıtor Besaryq aýylynda jastarmen júzdesti, dep habarlady «Qazaqstan-Qyzylorda» arnasy.
«Jańaqorǵan áýenderi» respýblıkalyq jabyq baıqaýy tuńǵysh ret uıymdastyrylyp otyr. Jalpy konkýrsqa 30-dan astap kompozıtordyń Jańaqorǵan týraly ánderi túsken. Belgili kompozıtor Keńes Dúısekeev bastaǵan qazylar alqasy ánderdi saraptap, úzdikterin anyqtaý ústinde.
«Negizinen ánderdi jınaq etip shyǵarý josparlanýda» deıdi uıymdastyrýshylar.
Mazmundy sharada óner maıtalmanynyń ánderin súıip tyńdaıtyn jurtshylyqtyń qarasy qalyń boldy. Olar kompozıtorǵa kókeılerindegi suraqtaryn qoıyp, erkin pikir almasty.
Aıta ketý kerek, Keńes Dúısekeevtiń jetekshiligimen «Tamasha», «Halyq - talant qaınary», «Shabyt» sekildi teledıdarlyq baǵdarlamalar da dúnıege keldi. Sonymen qatar talant ıesi sımfonııa, kantata, mıýzıkl, operettalar jazyp, kameralyq orkestrge shyǵarmalar daıyndaǵan sanaýly kompozıtorlardyń qatarynda, dep habarlaıdy e-kyzylorda.gov.kz.
