Belgili kompozıtor Gúlnar Daýkenovanyń alǵashqy án jınaǵy jaryq kórdi
ALMATY. Qyrkúıektiń 14-i. QazAqparat /Erbol Azanbek/- Qazaqstannyń eńbek sińirgen ártisi, Respýblıkalyq konkýrstardyń laýreaty, belgili kompozıtor Gúlnar Daýkenovanyń jańa án jınaǵy jaryq kórdi. Búgin Almatyda arnaıy baspasóz máslıhaty ótip, ánjınaq kórermenge tanystyryldy,
dep habarlaıdy QazAqparat.
Jınaqqa kompozıtordyń 2 kúı, 16 áni engizilgen. Bulardyń qatarynda Mádına Eralıevanyń oryndaýynda jurtshylyqqa tanymal bolǵan «Saǵyndym saǵym jyldar», «Qaıran ýaqyt», «Qosh endi, qosh bol, kúreń kúz», sondaı-aq Maqpal Júnisova, Nurǵalı Núsipjanov, Baǵdat Sámedınova, Sulýshash Nurmaǵanbetova, Shakızada, Janar Aıjanovalardyń oryndaýyndaǵy «Anashym», «Shyńdaǵy shynarym-aı», «Jan syrym», «Qushtar kóńil» atty ánderi bar.
Jınaqqa kompozıtor ánderin halyqqa tanytqan, halqymyzdyń súıikti ánshisi Mádına Eralıevaǵa arnalǵan «Mádına», sondaı-aq eń alǵashqy kúıi «Jasaı ber, Qazaqstanym» engizilgen. Buǵan deıin Gúlnar Daýkenovanyń «Saǵyndym saǵym jyldar» atty án-kúı jınaǵy 2006 jyly «Óner» baspasynan, 2008 jyly «Bastaý bulaǵym» atty kitaby jaryq kórgen bolatyn.
