Belgili qoǵam qaıratkerleri latyn álipbıin engizýge qatysty manıfest qabyldady
QazAqparat Manıfestiń tolyq mátinin taratady.
***
«Latyn árpi - ulttyq kodymyzdy órkendetýdiń joly» Manıfesi
Biz jyldam da, ózgermeli, dınamıkaǵa toly zamanda ómir súrýdemiz: atqan árbir tańymyz tosyn jańalyq ákelip, ony dereý sheshýdiń talabyn qoıýda.
Álemdegi bolyp jatqan ózgerister legi shapshań. Biz joǵary tehnologııa men aqparattar álemindemiz, bul jaǵdaı bizden tez is-qımyldar ǵana emes, ýaqyttan oza is- áreket jasaýdy talap etedi.
Sondyqtan biz, búkil azamattardy, ulttyq kodymyzdy saqtaý jáne ózindik sana-sezimimizdi damytý tárizdi birinen biri ajyramas uǵymdy baılanystyra otyryp, aldaryna qoıǵan maqsat pen murat kókjıekterin keńeıtýge shaqyramyz.
Búgingi zamanymyzdyń basty tendentsııasy - ınnovatsııa men noý-haý, dástúrli emes energııany paıdalaný, qoǵamdyq damý men áleýmettik modernızatsııalaýdyń basty ózegi bolyp tabylady.
Bizdiń balalarymyzdyń osyndaı jyldam da, ózgermeli ýaqytta ómir súrýge qabiletti bolýy jetkiliksiz, olar osy oqıǵalar men úderisterdiń qaınaǵan ortasy men top basynda bolýy shart.
Sondyqtan da, latyn árpin engizý ultymyz úshin mańyzdy, óte qajetti, ýaqyt talabyna saı keletin jańa atrıbýt dep sanaımyz.
Búgingi elimizge ultty jumyldyra alatyn, zamanýı aǵymǵa sáıkes, jańa baǵyttaǵy rýhanı aǵym qajet.
Bul jerde biz mádenıet pen óner, ádebıet pen kıno, mýzyka men shynaıy shyǵarmashylyq salasyn birinshi kezekke qoıyp aıtyp otyrmyz.
Latyn qarpin engizýdiń eń basty máıegi men ózegi, onyń basty dramatýrgııasy osynda jatyr!
Jahandaný protsessi óziniń jaǵymdy jaqtarymen qatar, ulttyq mádenıetti korrozııaǵa ushyrata otyryp, rýhanı álemimizge óshpes syzat túsiretindigin kórsetip otyr!
Osyndaý rýhanı alapaty kóp zamanda ómir súrip qana qoımaı, qaryshty damý úshin árdaıym damý ústinde bolý shart.
Biz álemdik mádenı keńistiginde rýhanı-mádenı «gettoǵa» aınalmaýymyz kerek!
Latyn árpin engizýdiń mán-jaıy osyndaı kúresten týady!
Sonymen birge, biz bul protsestiń keshendi ǵylymı tarazyǵa salynyp, barsha halyqpen keńese otyryp, júıeli túrde ómirge endirý qajet dep esepteımiz.
Latyn árpi - bizdiń dástúrli mádenıetimizdi damytýdyń, álemdik ǵylymı-tehnıkalyq, qarjy-ekonomıkalyq aınalymǵa ený jolyndaǵy «rýhanı lıfti», irgetasy bolmaq.
Biz azamattarymyzdyń bolashaǵyn qoldaıtyndyqtan, latyn qarpin qoldaımyz!
Bolashaǵyńa at salys!»
Ábdiǵalı Berik
Ábenov Murat
Áýesbaı Qanat
Bapı Ermurat
Baıtýk Ǵalym
Baıǵulov Tólegen
Bekkýjın Islambek
Eleýken Esen
Dombaı Qýat
Qalıev Talgat
Qosanov Ámirjan
Kısıkov Beknur
Mámbetov Serik
Loskýtova Oksana
Orynbek Aıgúl
Oshaqbaev Rahym
Rojın Maksım
Taıjan Muhtar
Tolıbaev Marat
Sarym Aıdos
Saırov Erlan
Sátjan Dınara
Dosymov Nurlan
Spotkaı Maksım
Shýjeeva Azıza.
