Belgili qoǵam qaıratkeri Maqsut Nárikbaev ómirden ozdy
ASTANA. QazAqparat - Búgin, 2015 jyldyń 12 qazanynda 75 jasynda belgili qoǵam qaıratkeri, zań ǵylymdarynyń doktory, professor, Qazaq gýmanıtarlyq zań ýnıversıtetiniń prezıdenti Maqsut Sultanuly Nárikbaev ómirden ozdy. Sýyt habardy ýnıversıtettiń baspasóz qyzmeti rastady.
Marqumnyń qaı qalada jáne neden qaıtys bolǵany ázirge belgisiz.
Aıta keteıik, Maqsut Sultanuly 1940 jyly 30 naýryzda Almaty oblysy, Taldyqorǵan aýdany, Erkin aýlynda dúnıege kelgen. 1958-59 jj. - Ýkraın KSR Dneprodzerjınsk qalasynyń № 8 tehnıkalyq ýchılışesinde oqydy. 1963-66 jj.- Sovet Armııasynyń qatarynda áskerı boryshyn ótedi.
1974 jyly S.M.Kırov atyndaǵy Qazaq memlekettik ýnıversıtetti zańger mamandyǵy boıynsha bitirip shyqty (qazir - ál-Farabı atyndaǵy QazUÝ) . Zań ǵylymdarynyń doktory (1998), quqyqtaný professory (2001), Halyqaralyq joǵary mektep akademııasynyń akademıgi (2001 jyldan bastap). M.Nárikbaev joǵary klasty bilikti sýdıa edi.
