Belgili kınorejısserdiń úıin tonaǵan ury ustaldy
ALMATY. QazAqparat – Almaty polıtsııasy tanymal kınorejısserdiń úıin tonaǵan uryny ustady, dep habarlaıdy QazAqparat tilshisi.
Urylar onyń úıine tapa-tal túste túsken. Úıde eshkimniń joqtyǵyna kóz jetkizgen urylar esikke sáıkes keletin kiltti taýyp, úıge kirgen.
«Olar qymbat tehnıkany urlap ketken. Bul tehnıkany úı ıesi kıno túsirýge qoldanady. Sonymen, kelgen shyǵyn kólemi 2,5 mln teńgege jetti. Bul qylmysty ashý maqsatynda jedel tergeý toby quryldy. Birneshe kún ishinde kúdiktiniń kim ekeni anyqtalyp, ustaldy. 27 jastaǵy Talǵar qalasynyń turǵyny buryn da múlik tonaǵany úshin isti bolǵan. Ol qoldy etken qymbat apparatty 200 myń teńgege satyp jibergen. Qazir atalǵan zat tárkilenip alyndy. Jaqyn arada ıesine qaıtaramyz», - dedi qalalyq PD basqarma basshysy Janbolat Zıadın.
Polıtsııa Jańa jyl qarsańynda statıstıka boıynsha úı tonaý derekteri kóbeıip ketetinin aıtty. Sondyqtan, qala turǵyndaryna qaýipsizdik sharalaryn saqtaýǵa keńes beredi.
