Belgili kınorejısser Metın Gıýnaı Saýran qalashyǵymen tanysty
TÚRKІSTAN. QazAqparat - Túrkistan oblysyna tanymal rejısser, «Ertuǵyryl» serıalynyń avtory ári rejısseri Gıýnaı Metın keldi, dep habarlaıdy QazAqparat.
Sapar barysynda ol ortaǵasyrlyq Saýran qalashyǵyn aralap kórdi.
Elbasynyń arnaıy shaqyrtýymen Qazaqstanǵa kelip, dańqty batyr - Qasym han jaıly kóp serıaly fılm túsirýdi qolǵa alǵan rejısser jobaǵa tarıhı oryndardy izdestirýde eken.
QR Mádenıet jáne sport mınıstri Arystanbek Muhamedıulymen Otyrartóbe qalashyǵyn aralaǵan rejısser fılmge daıyndyq jóninde pikir bildirip, Saýrannyń tarıhymen tanysyp shyqty.
«Fılmniń stsenarııin jazý barysynda Qazaqstandaǵy tarıhı jerler jaıly da kóp izdendim. Túrkistan qazaqtyń handary men batyrlarynyń súıegi jatqan jer. Mádenıet jáne sport mınıstri Arystanbek Muhamedıulynyń da usynysy meniń izdenisime ushtasa tústi. Sondyqtan Otyrartóbe men Saýrannyń derekteri jáne tarıhı izderi fılmde kórinis tapsa degen oı týyndady. Aldyn ala tanysyp kórý jumystaryn bastadyq», - dedi rejısser Metın Gıýnaı.
Aıta ketsek, jýyrda ǵana QR Mádenıet jáne sport mınıstri Arystanbek Muhamedıuly Túrkistan oblysyndaǵy tarıhı oryndarǵa jasaǵan sapary barysynda Saýran qalashyǵynyń tarıhı kelbetin saqtaı otyryp, qaıta qalpyna keltirý jumystaryn júrgizý men tarıhı jerdi týrıstik ortalyqqa aınaldyrý kerektigin atap ótken bolatyn. Mınıstrdiń «kınolarda qazaq halqynyń ómirin kórsetý úshin tek kıiz úıdi ornata berýi durys emes. Bizdiń negizgi beınemiz tarıhı qalalardy turǵyzǵan kóregendilikte jatyr. Sonyń bir mysaly retinde Saýran qalasyn aıtýǵa bolady. Árbir kirpishiniń ózinde sol ǵasyrdaǵy tereń fılosofııa jatyr»,- degeni belgili.
Osy oraıda, Qazaq Ordasynyń negizin salýshy, qol bastaýda da, el basqarýda da ejelgi ata-dástúrin meńgergen Qasym han jaıly 75 serııaly fılm belgili sultan, dańqty bahadúrdiń qaıratkerlik jolyn kórsetpek.
