Belgili qazaqstandyq jastar áleýmettik jelilerde úılený toılarynyń fleshmobyn iske qosty (FOTO)
ALMATY. QazAqparat - Qazaqstandyq juldyzdar men blogerler Instagram jáne Facebook áleýmettik jelilerinde ádettegiden ózgeshe fleshmobqa qoldaý kórsetip, ózderiniń úılený toılarynyń fotosýretterin jarııalady jáne estafetany basqalarǵa berdi.
«Meniń úılený toıym Taılandta Naka aralynda ótti. Oǵan ata-analarymyz ben eń jaqyn dostarymyz ǵana qatysty. Men kóp adam qatysatyn úılený toılaryn jaqtyrmaımyn jáne olarǵa sırek baramyn. Zaıybym Mádınanyń muny qoldaǵanyna rızamyn», - dep áńgimeledi Álisher Elikbaev.
Bloger úılený toıynyń sýretterimen bólisýdi de unatpaıtynyn atap ótti. Ol sondaı-aq estafeta Almatyda 13 naýryzda ótetin Bridal Fair úılený toılary kórmesi aýqymynda ótkizilip jatqanyn atap ótti.
Álisher Elikbaev estafetany akter Sanjar Mádıev pen bloger Iskanjer Salıhodjaevqa berdi.
Aıtpaqshy, Elikbaevtyń ózi estafetany Qazaqstandyq teleradıo taratýshylar qaýymdastyǵynyń prezıdenti, saltanatty avtomobılder ıeleriniń qazaqstandyq klýbynyń negizin qalaýshy Beıbit Álibekovten alypty.
Iskander Salıhodjaev ta estafetany qoldap, óziniń neke qııý rásiminen túsirilgen fotosýretterimen bólisti.
«Men alǵashqylardyń biri bolyp, nekeni tirkeýde elektrondy ótinishti paıdalandym. Men Astanada tirkelgenmin, al qalyńdyǵym Tarazda tirkelgen. Biz ár qalada turamyz. Biz ózimizge elektrondy sandyq qoltańbany ashqanbyz, men oǵan hat joldap, maǵan turmysqa shyǵýǵa usynys jasadym jáne egov arqyly blank nysanyn toltyryp, jiberdim. Oǵan: kúıeýińizdiń tegin alasyz ba, neke qııýdy qaı qalada tirkegińiz keledi, qandaı rásimdi (qarapaıym nemese saltanatty) qalaısyz?», - degen mazmunda hat barǵan. Biz úılený toıymyzdy Tarazda ótkizip, Astanadaǵy Imanov kóshesindegi azamattyq hal aktilerin tirkeý bıýrosyna bardyq», - dep áńgimeledi I.Salıhodjaev.
Estafetany belgili shoýmen Dáýit Shaıhyıslamov, Marat Omarov jáne basqa da tanymal juldyzdar aldy.
