Belgili kásipker Vasılıı Rozınov alaıaqtyǵy úshin sottaldy
QOSTANAI.QazAqparat – Búgin Qostanaı qalasynyń №2 sotynda «Ivolga Holdıng» aýylsharýashylyq kásipornyn basqarǵan qostanaılyq kásipker V.Rozınovke qatysty sot úkimi shyqty, dep habarlaıdy QazAqparat.
Eske salaıyq, «Ivolga Holdıng» JShS burynǵy basshysy Vasılıı Rozınovke asa iri kólemde alaıaqtyq jasady degen aıyp taǵylǵan bolatyn. Búgingi sot otyrysy ashyq túrde ótti. V.Rozınov óziniń qyzmettik jaǵdaıyn, kásipkerlik bedelin paıdalanyp, qarjy ınstıtýttarynyń senimine qııanat jasaı otyryp, óz múddelerin kózdeıtin qasaqana qylmystyq quqyq buzýshylyq jasaǵany úshin aıyptalǵan bolatyn.
Qostanaı qalalyq №2 sotynyń úkimimen Vasılıı Rozınov kináli dep tanylyp, oǵan 2 jyl 6 aı bas bostandyǵyn shekteý jazasy berildi. Sottalýshyǵa qatysty probatsııalyq baqylaý ornatyldy. Oǵan elden shyǵýǵa, kóńil kóterý oryndaryna barýǵa tyıym salyndy.
