Belgili kásipker M.Nábıev Bas redaktorlar klýbynyń qataryna qabyldandy

Klýbtyń búgingi otyrysynda uıymǵa múshe barlyq jýrnalıster oǵan biraýyzdan daýys berdi.

Aıta keteıik, kásipker M.Nábıev Aqmola oblysy Sileti aýdanynyń týmasy. 1978 jyly Tselınograd aýyl sharýashylyǵy ınstıtýtyn bitirip, agronom, bas agronom, odan keıin partııalyq qyzmetterdi atqardy. Keńes odaǵy ydyraǵan tusta Memlekettik menshik jónindegi aımaqtyq komıtette jumys istedi. «Esil» banki, Lısakov taý-ken kombınaty men Aqmola vagonjóndeý zaýytyn basqardy. Sondaı-aq ol QR Shahmat federatsııasynyń vıtse-prezıdenti. Búginde «Uly dala qyrandary» qozǵalysyn basqarady. «Bas redaktorlar klýbyna múshe bolýdyń negizgi maqsaty - qoǵamdyq bastamalardy halyqqa jetkizý. Biz ol arqyly eldiń qoldaýyna ıe bolýdy kózdeımiz», - deıdi M.Nábıev. Osyǵan oraı, búgin Bas redaktorlar klýbynyń basshysy Kenjebolat Joldybaı kásipker M.Nábıevke uıymnyń qyzmettik kýáligin tabys etti.