Belgili ǵalymdar elordalyq oqýshylarǵa sheberlik dárisin ótkizedi

ASTANA. QazAqparat - 27 qarashada L. Gýmılev atyndaǵy Eýrazııa ulttyq ýnıversıtetiniń ǵalymdary elordalyq mektep oqýshylaryna «Ulylardan ulaǵat» yntalandyrý sheberlik dárisin ótkizedi, dep habarlaıdy QazAqparat.

Dárister N.Nazarbaevtyń «Bolashaqqa baǵdar: rýhanı jańǵyrý» maqalasyna oraılastyrylyp otyr.

Dáristiń maqsaty - rýhanı jańǵyrýdy sıpattaý aıasynda óskeleń urpaqtyń patrıottyq sanasyn yntalandyratyn ulttyq qundylyqtardy jańǵyrtý, olardyń boıynda ulttyq sanany oıatýǵa sep bolý, jas urpaq sanasynda halqyna degen qurmet, súıispenshilik pen maqtan tutý sezimderin uıalatýǵa, ulttyq rýhty sińirýge yqpal etý.

Sharany QR Bilim jáne ǵylym mınıstrligi jáne Astana ákimdiginiń bilim basqarmasy qoldaýymen qalady № 82 mamandandyrylǵan «Daryn» lıtseıi Eýrazııa ulttyq ýnıversıtetimen birge uıymdastyrady. Dáristi tyńdaýǵa elordalyq mektep dırektorlary, joǵary synyp oqýshylary men ata-analar shaqyrylady.