Belgili ǵalym Martın Djon Rıs ateızmnen bas tartty
ASTANA. QazAqparat - Kóptegen ǵalymdardyń pikiri boıynsha, álem ózdiginen joqtan bar bolyp jaratylǵan emes. Alaıda, ozyq tehnologııalyq zertteýlerdiń nátıjesinde belgili bolǵan DNQ molekýlalarynyń qurylysy men quramy, onda saqtalatyn orasan aqparat, genetıkalyq kodtar - bunyń bári bir Jaratýshynyń bar ekendigine aıqyn dálel.
Brıtandyq fızık Martın Djon Rıs Jaratýshynyń bar ekendigin dáleldep, Templtonov syılyǵynyń laýreaty atandy. Syıaqy mólsheri - $ 1,4 mıllıon. 500-den astam ǵylymı eńbektiń avtory atanǵan ol osy ýaqytqa deıin ózin ateıst sanap kelgen bolatyn, dep habarlady www.muslim.kz .
Aıta keteıik, Templtonov júldesi ǵylym men din arasyndaǵy baılanysty ashqan ǵalymdarǵa beriledi.
Halyqaralyq Teorııalyq jáne qoldanbaly fızıka ınstıtýtynyń dırektory Anatolıı Akımov atalmysh eńbekte Qudaıdyń bar ekendigi naqty ǵylymı dáleldermen qorǵalǵanyn aıtady.
«Jaratýshy Ieniń bar ekendigi sózsiz. Bul kóptegen ǵalymdardyń senimi. Jáne olar tek senip qana qoımaıdy, ózderiniń bilimderi arqyly naqty dálelderge súıenedi. Ótken ǵasyrda kóptegen ǵalym-fızıkter Qudaı bar ekendigine senip ótken. Tipti Isaak Nıýton zamanyna deıin din men ǵylym arasy bólinbegen bolatyn. Sebebi, sol zamanda ǵylym aınalysa alatyn bilimdi adamdar sol din mamandary edi. Nıýton ózi qdaıshyldyǵyn esh jasyrmaǵan. «Men mehanıka zańdaryn Jaratýshynyń zańdarynan alamyn» degen sózi bar onyń», - deıdi Akımov.
Eger kóptegen ǵalymdardyń dáleldemek bolǵan evolıýtsııa zańyna súıenetin bolsaq, Jer betindegi jaı ǵana kletkadan bıohımııalyq áreketter arqasynda adam paıda bolýy úshin ketetin ýaqyt búkil on segiz myń ǵalamnyń túzilýinen de artyq ýaqyt alatyn kórinedi.
