Belgili ǵalym Marat Ibatov QarMTÝ rektory atandy
QARAǴANDY. QazAqparat - QR Bilim jáne ǵylym mınıstri Erlan Saǵadıev Qaraǵandy memlekettik tehnıkalyq ýnıversıtetiniń ujymyna jańa rektordy tanystyrdy. Ol belgili ǵalym, professor, tehnıka ǵylymdarynyń doktory Marat Keńesuly Ibatov, dep habarlady oqý ornynyń baspasóz qyzmeti.
Eske sala ketsek, jaqynda Astanada memlekettik JOO basshylary laýazymyna úmitkerlerdi irikteý boıynsha Respýblıkalyq baıqaý komıssııasynyń otyrysy ótti.
Jınalys pen usynylǵan JOO damý baǵdarlamasyn talqylaý qorytyndysy boıynsha, Respýblıkalyq baıqaý komıssııasy Marat Keńesuly Ibatovty Qaraǵandy memlekettik tehnıkalyq ýnıversıtetiniń rektory etip taǵaıyndaýdy usyndy.
Rektor saılaýy jańa talaptarǵa saı, ashyq baıqaý jolymen ótti.
Ibatov Marat Kenesuly 1961 jyly týǵan.
1983 jyly Máskeýdiń avtomobıl-jol ınstıtýtyn (MADI) úzdik aıaqtap, Qaraǵandy polıtehnıkalyq ınstıýtyna jiberilgen, munda aǵa ınjener, kishi ǵylymı qyzmetker bolyp jumys istegen.
1987-1990 jyldary Máskeýdiń avtomobıl-jol ınstıtýtynda (MADI) aspırantýrada oqyǵan.
1991 jyly Máskeýdiń avtomobıl-jol ınstıtýtynda (MADI) tehnıkalyq ǵylymdary kandıdattyǵy ǵylymı dárejesine izdený dıssertatsııasyn qorǵaǵan.
1991 jyldan bastap QarPTI-de (keıingi QarMTÝ) «Avtomobıl transporty» kafedrasynyń assıstenti, aǵa oqytýshysy, dotsenti, professory qyzmetterin atqarǵan.
Qazaqstan Respýblıkasy bilim mınıstrliginiń Qurmet gramotalarymen marapattalǵan (1993,1994 jyldary).
1995-1997 jyldary QarMTÝ oqytýshylary men qyzmetkerleriniń kásipodaq komıtetiniń tóraǵasy mindetin atqarǵan.
1997-2007 jyldary avtomobıl-jol fakýltetiniń dekany bolǵan.
Qazaqstan Respýblıkasy bilim jáne ǵylym mınıstrliginiń Qurmet gramotalarymen marapattalǵan (2000,2003,2009 jyldary).
2003 jyly doktorlyq dıssertatsııasyn qorǵaǵan.
2005 jyly QR BǴM-niń bilim jáne ǵylym salasyn attestattaý men baqylaý jónindegi Komıtet sheshimimen professor ǵylymı ataǵy berildi.
2006 jyly «Qazaqstan Respýblıkasynyń Qurmetti bilim qyzmetkeri» Tósbelgisimen marapattalǵan.
2006 jyly «10 jyl Astana» medalimen marapattalǵan.
2007-2008 jyldary QarMTÝ-dyń oqý isi jónindegi prorektory qyzmetin atqarǵan.
2008-2011 jyldary QarMTÝ-da «Avtomobıl transporty» kafedrasynyń meńgerýshisi bolyp qyzmet etken.
2011 jyly 1 maýsymnan bastap Qaraǵandy memlekettik tehnıkalyq ýnıversıtetiniń birinshi prorektory bolyp jumys istegen.
2012 jyly 11 maýsymnan bastap Qaraǵandy memlekettik ındýstrııalyq ýnıversıtetiniń rektory bolyp jumys istegen.
2013 jyly Qazaqstan Respýblıkasynyń kásipodaǵy OK-niń Qurmet gramotasymen marapattalǵan.
2013 jyly Qazaqstan Respýblıkasynyń Ulttyq ǵylym akademııasynyń Qurmet gramotasymen marapattalǵan.
2013 jyly «Nur Otan» HDP-nyń «Belsendi eńbegi úshin» Tósbelgisimen marapattalǵan.
2013 jyly Qazaqstan Respýblıkasynyń JOO Assotsıatsııasynyń Ahmet Baıtursynov atyndaǵy Tósbelgisimen marapattalǵan.
2013 jyly « Eren eńbegi úshin» memlekttik marapatty medalin alǵan.
