Belgili ǵalym M.Spektordyń agrarlyq sektordaǵy qyzmetine 50 jyl tolý mereıtoıy atap ótildi
STANA. Qyrkúıektiń 10-y. QazAqparat /Gúlmıra Álıakparova/ - Búgin Astanada belgili ǵalym, ekonomıka ǵylymdarynyń doktory, professor Mıhaıl Spektordyń agrarlyq saladaǵy ǵylymı-pedagogtyq qyzmetine 50 jyl tolý mereıtoıy atap ótildi.
Ataýly kúnge oraı, belgili ǵalym jarty ǵasyr boıy eńbek etip kele jatqan - S.Seıfýllın atyndaǵy Qazaq agrotehnıkalyq ýnıversıtetinde saltanatty jıyn ótti.
Ulaǵatty ustazdy búgingi mereıtoıymen quttyqtaǵan ýnıversıtet rektory Aıtbaı Bulashev, S.Seıfýllın atyndaǵy QazATÝ ózin basqa joǵary oqý oryndarynan erekshelendiretin - urpaqtar sabaqtastyǵymen maqtana alatyndyǵyn atap ótti. «M.Spektr jerge ornalastyrý fakýlteti men jalpy ýnıversıtettiń qalyptasýynyń bastaýynda turǵan azamattardyń biri. Ol árqashan bilim berýdi ǵylymmen ushtastyrý qaǵıdatyn ustanyp keledi. Bakalavrıat mamandyqtary boıynsha bilim berý baǵdarlamalarynyń ulttyq reıtıngisiniń nátıjesine sáıkes, QazATÝ jerge ornalastyrý mamandyǵy boıynsha respýblıkadaǵy JOO-lardyń birinshi úshtigine endi. Bul jetistikte M.Spekordyń eńbegi ushan-teńiz ekendigi sózsiz», - dep atap ótti ol.
A.Bulashev mereıtoı ıesine agrarlyq ǵylym salasyna qosqan eńbegi úshin QR Aýyl sharýashylyǵy mınıstrliginiń qurmet gramotasy men ýnıversıtettiń alǵys hatyn tabys etti.
Óz kezeginde «Jer resýrstary jáne jerge ornalastyrý memlekettik ǵylymı-óndiristik ortalyǵy» Respýblıkalyq memlekettik kásiporny dırektorynyń orynbasary Nurlan Áripbaev M.Spektorǵa Jer resýrstaryn basqarý jónindegi QR Agenttigi basshylyǵynyń atynan «Qurmetti jerge ornalastyrýshy» vedomstvolyq tós belgisin tabys etti.
Ony sondaı-aq, «Qazgeodezııa» RKMK-nyń, Astana qalasy boıynsha «Jer resýrstary jáne jerge ornalastyrý memlekettik ǵylymı-óndiristik ortalyǵynyń» basshylary, Ýnıversıtettiń túlekter klýbynyń tóraǵasy, QR Aýyl sharýashylyǵynyń ókilderi men ǵalymnyń AQSh pen Reseıdegi áriptesteri quttyqtady.
M.Spektr atalmysh agrarlyq ýnıversıtette 1960 jyldan beri jumys istep keledi. Ol respýblıka aýmaǵynda sondaı-aq, jaqyn jáne alys shet elderde jerge ornalastyrý, aýyl sharýashylyǵynyń ekonomıkasy, aýyl eldi-mekenderin ornalastyrýdy josparlaý boıynsha kóptegen jumystardyń avtory retinde belgili agrarııa-ǵalymy. Ol aýyl sharýashylyǵy aýmaqtaryn damytýdyń keleshegin anyqtaý boıynsha zertteýlerdi júrgizý týraly bastamany kótergen ǵalymdardyń biri. Búgin de M.Spektr, Qazaqstannyń jańa jer saıasatyn qalyptastyrýshylardyń biri bolyp tabylady. Onyń zertteýleri negizinde Jer resýrstaryn basqarý jónindegi QR Agenttigi birqatar kitapshalar ázirledi. Sonymen birge, 240 jumystyń, onyń ishinde 22 kitaptyń avtory.
