Belgili ǵalym Dıhan Qamzabekulynyń «Jurt» atty pýblıtsıstıkalyq kitaby jaryq kórdi

Oqyrman qaýym D.Qamzabekulyn alash tarıhyn zertteýshi ǵalym retinde jaqsy biledi. Ǵalymnyń buǵan deıin de Alash qaıratkerlerin zerttegen kitaptary jaryq kórgen bolatyn.

Al avtordyń jańa jınaǵy táýelsiz Qazaq eliniń kókeıkesti máselelerin kóteredi. Burynǵy Aqmola qalasynyń Elorda mártebesine ıe bolýy, qalyptasýy, turǵyndarynyń jańasha ómirge beıimdelýi, keleńsiz kórinisterden arylýy, qoǵamnyń barlyq ózekti máseleleri jan-jaqty kórinis tapqan.

Kirispe sózinde avtor óz týyndysynyń jalpaq elge arnalǵanyn jazady. Ol «jurt» sóziniń maǵynasy tereń ekenin «halyq», «el», «memleket», «Otan» degen uǵymdarmen astasyp jatqanyn dáleldeıdi. Qazaqtyń Qaztýǵandaı jyraýy da artyna «Alań da alań, alań jurt!» dep óshpes jyr-tolǵaýyn qaldyrǵan. Halqynyń kózin ashyp, ózge eldermen teńestirýdi ańsaǵan Ybyraı Altynsarın: «Óner-bilim bar jurttar»,- dese, til ǵylymynyń atasy Ahmet Baıtursynuly: «Balam!» deıtin jurt bolmasa, «Jurtym!» deıtin bala qaıdan shyǵady?!» degeni bar emes pe? Sondaı-aq avtor Alash qaıratkeri Álıhan Bókeıhannyń «Jalpaq jurttyń kókireginde jaqsylyq bolmasa, jurt «jurt bolyp» tirshilik qura almaq emes» degen eldik maǵynasy tereń sózin alǵa tarady.

«Sóz túzeldi, tyńdaýshy, sen de túzel»,- dep uly Abaı aıtqandaı, avtor jańa kitabynda bizdiń tirshiligimizde, qalyń jurtshylyq arasynda oryn alyp jatqan kemshilikterdi synǵa ala otyryp, jaman ádetterden, eski «dástúrsymaqtardan» arylatyn kez jetkenin aıtady. Jańa ǵasyrda jańasha ómir súrip, ana tilimizdi ardaq tutyp, eldigimizdi saqtap, ulttyq qundylyqtarymyzdy qurmetteýge shaqyrady.

Qysqasy, oqyrmanǵa oı salatyn bir jınaq jaryq kórdi. Avtory - Dıhan, synshysy - halyq.