Belgili ǵalym, dáriger Sáýle Rysqulova dúnıeden ozdy

Sáýle Turarqyzy Almaty Memlekettik medıtsına ınstıtýtyn bitirgen soń óz eńbek jolyn sol oqý orny qabyrǵasynda assıstent bolyp bastaǵan. Keıinirek bólim meńgerýshisi, birqatar ǵylymı zertteý ınstıtýttarynda aǵa oqytýshy, zerthana meńgerýshisi, bas ǵylymı qyzmetker boldy. Ǵalym retinde plazmalyq membranalardyń jasýshanyń radıatsııalyq sáýleden zaqymdanýynda atqaratyn rólin anyqtap, radıobıologııada jańa ǵylymı baǵyt qalyptastyrdy. 100-den astam ǵylymı jarııalanymnyń, ǵylymı monografııanyń avtory da edi. Ǵylymı tehnıkalyq keńesterdiń sarapshysy jáne múshesi retinde elimizdiń ýran kásiporyndaryn tekserdi.

Ómiriniń sońǵy jyldaryn ákesiniń taǵslymyn zertteýge arnaǵan ǵalym, kórnekti memleket qaıratkeri Turar Rysqulovtyń týǵan jylyn naqtylaýǵa da zor úles qosty. Onymen qoshtasý búgin Almatyda Bógenbaı batyr jáne Zenkov kósheleriniń qıylysynda ornalasqan marqumnyń úıinde ótedi.