Belgili fýtbolshy Twitter-degi ádepsiz jazbalary úshin úsh oıynǵa shettetildi
ASTANA. QazAqparat - Anglııanyń fýtbol qaýymdastyǵy «Kýınz Park Reınjers» qorǵaýshysy Rıo Ferdınandty Twitter áleýmettik jelisinde jarııalaǵan dóreki habarlamalary úshin úsh matchtan dıskvalıfıkatsııalady. Fýtbol qaýymdastyǵynyń aryzynda aıtylǵandaı, habarlamalar til tıgizetin jáne ádepsiz bolǵan.
Anglııa quramasynyń burynǵy oıynshysyna sonymen birge, 25 myń eýro aıyppul salyndy. Ferdınand «Manchester ıÝnaıted» úshin 2002-2014 jyldar aralyǵynda oınaǵan oıyndary arqyly tanymal. Ol klýb úshin 300-den astam match ótkizdi. Qorǵaýshy alty ret el chempıonatyn, tórt ret Anglııanyń Sýperkýbogyn, eki ret fýtbol lıgasynyń kýbogyn, al 2008 jyly Chempıondar lıgasyn utty. Ferdınand erkin agent quqyǵynda KPR-men bir jylǵa kelisimshartqa qol qoıdy. Toǵyz týrdan keıin komanda jeti upaımen sońǵy orynnyń aldynda tur.
