Belgili fýtbolshy Baýyrjan Islamhan ulttyq quramaǵa shaqyrtý aldy
Qazaqstan fýtbol federatsııasy málim etkendeı, Baýyrjan Islamhannyń eki jyldyq shettetilý merzimi aıaqtalyp, kásipqoı komandamen jattyǵýdy jalǵastyrýǵa bolatyny týraly tıisti qujattar alynǵan.
Qazaqstan quramasynyń jattyqtyrýshylar shtaby bir aı boıy Baýyrjan Islamhanmen jumys júrgizip, sonyń qorytyndysy boıynsha Almatyda ótetin jıynǵa shaqyrtý týraly sheshim qabyldady.
«Baýyrjan týraly kóp estigenmin. Onyń úlken talanty men mol tájirıbesi bar. Aldaǵy oqý-jattyǵý jıynynda onyń dene daıyndyǵyn qaraǵym keledi. Óıtkeni, eki jyldaı Islamhannyń oıyn tájirıbesi bolmady. Oqý-jattyǵý jıynynda onyń baby qandaı ekenin baıqap, aldaǵy oıyndarǵa qanshalyqty daıyn ekenin biletin bolamyz», - deıdi Qazaqstan quramasynyń bas bapkeri Magomed Adıev.
Islamhan Qazaqstan quramasy sapynda alǵash ret 2012 jyldyń 29 aqpanynda Latvııaǵa qarsy joldastyq oıynda alańǵa shyqty. Ulttyq quramanyń qatarynda 46 oıyn ótkizip, úsh gol soqqan.
Baýyrjan sońǵy ret Qazaqstan quramasynda 2020 jyldyń qyrkúıeginde Belarýs komandasyna qarsy oınady.
Ózbekstanmen joldastyq match 16 qarasha kúni Tashkentte, BAÁ-men oıyn úsh kúnnen keıin Ábý-Dabıde ótedi.
Ulttyq quramaǵa Baýyrjannan basqa myna oıynshylar shaqyrtyldy.
Qaqpashylar: Igor Shatskıı («Shahter»), Danıl Ýstımenko («Qaırat»), Aleksandr Zarýtskıı («Astana»).
Qorǵaýshylar: Sergeı Malyı, Aleksandr Marochkın, Baǵdat Qaıyrov (bári de - «Tobyl»), Abzal Beısebekov, Mıhaıl Gabyshev, Tımýr Dosmaǵambetov (bári de - «Astana»), Temirlan Erlanov, Dmıtrıı Shomko (ekeýi de - «Aqtobe»), Sultanbek Astanov («Qaırat»), Nuraly Álip («Zenıt», Reseı).
Jartylaı qorǵaýshylar: Ramazan Orazov, Maksım Samorodov (ekeýi de - «Aqtobe»), Ashat Taǵybergen («Tobyl»), Aslan Darabaev, Islambek Qýat (ekeýi de - «Astana»), Baqtıer Zaınýtdınov (TsSKA, Reseı), Elhan Astanov («Ordabasy»).
Shabýylshylar: Abat Aıymbetov («Astana»), Abylaıhan Jumabek («Taraz»), Aıbar Jaqsylyqov («Tobyl»), Artýr Shýshenachev («Qaırat»).
Foto: kff.kz
