Belgili frantsýz órmeleýshisi Esentai Tower ǵımaratyna shyqty (VIDEO,FOTO)
ALMATY. QazAqparat. - Belgili frantsýz quzǵa órmeleýshisi, esimi Gınnes rekordtar kitabyna engen Alen Rober Esentai Tower ǵımaratyna órmelep shyqty.
53 jastaǵy órmekshi adam Qazaqstanǵa Almatydaǵy eń bıik ǵımaratty baǵyndyrý maqsatymen kelgen. Bıiktigi 168 metr bolatyn ǵımaratqa A. Rober alpınıstik quralmen kóterildi. Arasynda bógelip kameraǵa túsirip otyrdy. Bir saǵat kóleminde órmekshi adam shatyrǵa shyqty. Roberdiń shoýyn júzdegen adam tamashalady.
Rober shyńǵa órmeleýmen bala kezinen aınalysatynyn jetkizdi. 11 jasynda eń alǵashqy bıiktigin baǵyndyrǵan ol shyńǵa órmeleýdi hobbıge aınaldyrǵan.
"Taýǵa shyqqannan góri ǵımaratqa shyqqan qıynyraq. Bir ret qulap qala jazdadym. Biraq óz maqsatymnan bas tartpaımyn", - dedi A.Rober.
Frantsýz sportshysy Qytaıdaǵy, Ulybrıtanııadaǵy, Frantsııadaǵy eń bıik ǵımaratty baǵyndyrýdy maqsat tutyp otyr. Óz ómirinde sportshy 70 ǵımaratqa shyqqan eken. Olardyń ishinde IBM bas ǵımaraty, Hilton, Framatome, Kýala-Lýmpýrdaǵy Petronas munarasy, Barselonadaǵy Torre agbar ǵımaraty, túrli bankterdiń ǵımaraty, Məskeýdegi MMÝ ǵımaraty bar. Dýbaıdaǵy 828 metrlik «Býrdj Halıfa" ǵımaratyn 6 saǵatta baǵyndyrǵan.
