Belgili folklortanýshy ǵalym Sultanǵalı Sadyrbaev 80 jasqa toldy
ALMATY. 12 qazan. QazAqparat /Ádilet Musahaev/ - Keshe fılologııa ǵylymynyń doktory, belgili folklortanýshy ǵalym, pedagog Sultanǵalı Sadyrbaevtyń 80 jasqa tolǵan mereıtoıy Almatydaǵy Jambyl atyndaǵy Qazaq memlekettik fılormonııasynda atap ótildi.
1951 jyly S. Kırov atyndaǵy Qazaq ýnıversıtetiniń fılologııa fakýltetiniń 1 kýrs stýdenti S.Sadyrbaev uly klassık M.Áýezovtiń «Aqyndar aǵasy» romany boıynsha oqyrmandar konferentsııasynda baıandama jasap, sýretkerdiń alǵysyn alǵan. 1955 jyly «Abaıdyń estetıkasy» atty dıplom jumysyna akademık M.Áýezovtiń jetekshi bolýy da bilimdi shákirtiniń daryndylyǵyn, ǵylymǵa beıimdiligin tanyǵandyǵy edi. Akademık jazýshynyń shapaǵaty bolar, folklor salasynda kandıdattyq, doktorlyq dıssertatsııasyn tabysty qorǵady.
Folklortanýshy ǵalymnyń túlep ushqan ýnıversıtetinde ustazdyq qyzmetine de 40 jyl tolyp otyr. Onyń «Folklor jáne estetıka», «Halyq ádebıetiniń tarıhy negizderi», «Jambyl jáne folklor» atty monografııalary men «Qazaq halqynyń aýyz ádebıeti», «Qazaq halyq ádebıeti» oqý quraldary bar. Kezinde Jambyl Jabaevtyń murajaıyn jabý jóninde teris pikirlerge 1956 jyly «Lenınshil jasta» «Jambyl muralaryn qasterleı bileıik» atty ótkir maqalasy tosqaýyl qoıdy. «Sózdiń piri -Súıinbaı», «Jambyl: adamzattyń uly jyrshysy», «Qarasaı batyr» derekti fılminiń stsenarııin jazdy. «Jambyldyń jastyq shaǵy» fılminiń ǵylymı keńesshisi boldy.
Belgili pedagog- ǵalymnyń mereıtoıyn ál-Farabı atyndaǵy QazUÝ-dyń Birinshi prorektory hımııa ǵylymdarynyń doktory, professor Muqambetqalı Búrkitbaev ashyp, ǵylymı jáne ustazdyq eren qyzmetin atap ótti. Iyǵyna shapan jaýyp, eskertish syılyq tapsyrdy.
Mereıtoılyq kesh Qazaq memlekettik fılarmonııasynyń ánshileri jáne B.Baıqadamov atyndaǵy memleketik hor kapellasynyń qatysýyndaǵy kontsertke ulasty.
