Belgili dıktor Tynys Ótebaev dúnıeden ozdy
ALMATY. QazAqparat - Tanymal dıktor, KSRO teleradıosynyń úzdigi Tynys Ótebaev 73 jasynda ómirden ozdy. Bul týraly Feısbýktegi paraqshasynda «Qazaqstan» RTRK basqarma tóraǵasy Erlan Qarın habarlady, dep jazady QazAqparat tilshisi.
«Búgin, 2017 jyldyń 28 tamyzynda, «Qazaqstan» telearnasynyń tanymal dıktory Tynys Ótebaı aǵamyz 73 jasynda ómirden ozdy. Telearnaǵa 60-shy jyldardyń aıaǵynda kelgen Tynys aǵa, talaı jyldar Ulttyq arnaǵa adal qyzmet etti. Tek qana dıktor emes, uzaq eńbek jolynda túrli redaktsııalardyń basshysy bolyp, zeınetke «Qazaqstan» korporatsııasynyń tóraǵasynyń birinshi orynbasary qyzmetinen shyqty! Aǵamyzdyń týystaryna, jaqyndaryna qaıǵyryp kóńil aıtamyz!», dep jazdy E.Qarın.
Tynys Ótebaev 1944 jyldyń 14 naýryzynda dúnıege kelgen. Dıktor, telejýrnalıst. KSRO teleradıosynyń úzdigi. Burynǵy Shymkent oblysy ortalyǵyndaǵy 7 jyldyq mektepti, elektrmehanıka tehnıkýmyn (1961), Tashkenttegi orys tili jáne ádebıeti ınstıtýtyn (1971) bitirgen.
Eńbek jolyn Tashkent traktor jasaý zavotynda tehnık-elektrık bolyp bastaǵan.
1963 - 66 j. áskerı boryshyn ótedi.
1967 j. Ózbek radıosynda dıktor bolyp, tuńǵysh qazaq baǵdarlamasy «Zamandasty» ashýǵa at salysqan.
1971 jyldan «Qazaqstan» teleradıo komıtetinde dıktor, bas redaktor, dırektor, komıtet tóraǵasynyń 1-orynbasary qyzmetterin atqaryp keldi. Qazaqstan Jýrnalıster odaǵy syılyǵynyń laýreaty (1989).
