Belgili dıdjeı Imanbek veb-serıalǵa túsedi

PAVLODAR. QazAqparat - Áıgili dıdjeı Imanbek Zeıkenov Salem social media kınostýdııasynyń «Zaýyt» (túsirilim barysyndaǵy ataýy) veb-serıalyna túsedi, dep habarlaıdy QazAqparat Pavlodarnews.kz-ke silteme jasap.

Gremmı bedeldi júldesiniń ıesi serıaldyń negizgi akterlik quramyna endi.

Kompanııa málimetinshe, Imanbek serıalda bolashaǵynan úmit kúttiretin maman rólin somdaıdy. Onymen sıýjettik jelige blogerler Hakim Mukaram men Іlııas Kópjasarov túsedi. Qazirgi ýaqytta Imanbek jobadaǵy túsirilim jumystaryn aıaqtap úlgerdi.

Sondaı-aq tanymal akterler Qobylandy Bolat pen Arýjan Jazylbekova basty rólde oınaıdy.

Veb-serıalda baı otbasynan shyqqan erke jigit Oljastyń (Qobylandy Bolat) oqıǵasy týraly baıandalady. Jigit kezekti teris áreketi úshin pavlodarlyq zaýytqa qarapaıym jumysshy bolyp jiberiledi. Basty keıipker onda jańa adamdarmen tanysyp, ómirdegi mańyzdy maqsattarǵa qol jetkizedi.

Kartına túsirilimi 3 tamyzda bastaldy jáne 22 kúnge jalǵasady. Relızi bıylǵy jyldyń kúzinde shyǵatyny josparlanǵan.

Foto: instagram / imanbekmusic