Belgili bir joba túrlerine saraptama jasaýdy naryqtyq ortaǵa berýge bolady - B. Saǵyntaev
ASTANA. 20 mamyr. QazAqparat - Belgili bir joba túrlerine saraptama jasaýdy naryqtyq ortaǵa berýge bolady.
Bul týraly KTK telearnasyndaǵy «Halyq qyzmetshisi» baǵdarlamasyna suhbat bergen QR Premer-Mınıstriniń birinshi orynbasary - Óńirlik damý mınıstri Baqytjan Saǵyntaev aıtty.
«Eger qarar bolsaq, búginde biz Dúnıejúzilik banktiń baǵalaýynsha «Dýıng bıznes» boıynsha dál osy qurylys bıznesinde atalǵan bank monıtorıng júrgizetin 187 eldiń ishinde 155-shi oryndamyz. ıAǵnı, is júzinde sońyndamyz. Protsedýra, qıyn ári uzaq», dedi ol.
B.Saǵyntaevtyń sózine qaraǵanda, qazirgi tańda jobalardy memlekettik saraptaý syzbasyn ózgertý baǵytynda jumystar júrgizilýde. Óıtkeni búginde memlekettik saraptamadan tipti sapasy óte tómen jobalar da ótip ketýi múmkin. Jalpy damyǵan memleketterde memlekettik saraptama degen joq. Sondyqtan qazirgi ýaqytta Qazaqstanda jobalardyń belgili bir túrleriniń saraptamasyn naryqtyq ortaǵa berýge de bolady. Al memlekettik saraptamadan jumystardyń tek belgili bir túrleri ǵana ótedi.
Sonymen qatar Premer-Mınıstrdiń birinshi orynbasary qazirgi tańda memlekettik saraptama kómegimen jobany ózgertip, barynsha qymbat jasaýǵa da bolatyndyǵyn atap ótti.
