Belgili ánshi Samı ıÝsýftyń Irandaǵy kontsertine tyıym salyndy
ASTANA. QazAqparat - Musylman áleminiń súıikti mýzykanty Samı ıÝsýftyń Irandaǵy tarıhı ólkede kontsert ótkizýine bılik tyıym saldy. Bıliktiń bul sheshimine belgili ánshiniń Izraıldiń Nazaret qalasyndaǵy jergilikti musylman jurtshylyǵyna arnap kontsert ótkizýi sebep bolǵan.
Iran bıligi Samı ıÝsýftyń ızraıldikter ıeligindegi aımaqqa barýy Tegeran úshin keshirilmes qadam bolyp sanalady dep habarlady.
«Men Iran bıliginiń bul sheshimine tań qalyp otyrmyn. Palestınalyq musylman baýyrlaryma qýanysh syılaǵanym úshin Irandaǵy tyńdarmandaryma kontsert ótkize almaıtynyma tipten qaıranmyn», - deıdi ánshiniń ózi.
Nashıd oryndaýshy eshqandaı qaýip-qaterlerge qaramastan kontsertin ótkizýge daıyn ekendigin atap ótti. Sondaı-aq palestınalyqtarǵa ótkizgen kontserti úshin Iran bıliginen keshirim suraýǵa da nıetti emes ekendigin jetkizdi. Samı ıÝsýf ónerdi, onyń ishinde mýzyka janryn saıasattandyrmaǵan jón dep sanaıdy. Ony ár adamnyń tyńdaý quqyǵy bar. Ánshi aldaǵy ýaqytta erkin de táýelsiz Palestına kóginde qýanysh ánderi oryndalady degen úmitin de jasyrmady, dep jazady muslim.kz.
