Belgili ánshi-kompozıtor Gúlnár Dáýkenova ómirden ozdy

Q.Qýanyshbaev atyndaǵy qazaq memlekettik akademııalyq drama teatrynyń dırektory, rejısser Ashat Maemırov Facebook paraqshasynda málim etkendeı, Gúlnár Dáýkenova Alashyn ómirsheń ánderimen, kókeıkesti kúılerimen terbegen ánshi-kompozıtor edi.

Halyq arasyna keńinen tanylǵan «Saǵyndym saǵym jyldar», «Kúreń kúz», «Qaı̆ran ýaqyt», «Shyńdaǵy shynarym-aı̆», «Móldir sezim» sekildi kóptegen ánderdiń avtory Gúlnar Dáýkenovanyń týyndylary da óziniń jan dúnıesi sekildi shynaı̆ylyqqa, syrshyldyqqa, lırızmge toly bolatyn. Shırek ǵasyrdan astam ýaqyt ulttyq mýzykamyzdyń qara shańyraǵy – Qurmanǵazy orkestrinde eńbek etti. Elimiz táýelsizdigin alǵan tusta úlken tolǵanystan týǵan «Jasaı̆ ber, Qazaqstanym!» kúı̆i kóptegen orkestrlerdiń repertýarynyń altyn qoryna endi.

Elge degen mahabbatyn ánmen, kúı̆men órnektegen Gúlnár Dáýkenova ómirde kishilik pen kisilikti, adaldyq pen meı̆irimdi, adamgershilik asyl qasıetterdi tý etti. Kóptegen ánderi marqum Mádına Eralıeva shyǵarmashylyǵynyń boı̆tumaryna aı̆naldy. Halyq ártisteri N.Núsipjanov, R.Rymbaeva, M.Júnisova jáne A.Qosanova, G.Dáýirbaeva, M.Túsipbaeva, A.Imanbaı, G.Orazymbetova, A.Kerimbekova, Mıras pen Quralaı, «Jigitter» kvarteti, «Keshıý» toptarynyń repetýarynan G.Dáýkenovanyń ánderi berik oryn aldy. Óner áleminde ózindik orny, óz bıigi bar Gúlnár Dáýkenova Úrjardyń qasıetti topyraǵynan túlep ushyp, Shyǵystyń shynary atandy.

«Gúlnár ápke aqjarqyn jeńgemiz, Aq Jaı̆yq óńiriniń syı̆ly kelini edi. Taǵdyr qosqan serigi Donedil Qajymov ta – elimizge tanymal ánshi-kompozıtor, Qazaqstannyń eńbek sińirgen qaı̆ratkeri. «Tas túsken jerine aýyr» deı̆di babalarymyz, Donedil aǵamyzǵa qaı̆ǵyryp kóńil aı̆tamyz. Qosh bolyńyz, shyńdaǵy shynar syndy Gúlnár ápke, Gúlnár jeńeshe! Saǵym jyldardyń ishinde Sizdi saǵynǵan shaqtarda, ár qazaqtyń júreginde Sizdiń ánderińiz júretinine senemin! Imanyńyz joldas bolsyn, aıaýly Gúlnár jeńeshe, Gúlnár ápke!» - dep jazdy Ashat Maemırov.