Belgili ánshi Baǵdat Sámedınovanyń jeke saıty ashyldy
ALMATY. 21 aqpan. QazAqparat /Erbol Azanbek/ - Belgili ánshi Baǵdat Sámedınovanyń jeke saıty ashyldy. Bul týraly QazAqparatqa «Medıalab» medıa-kommýnıkatsııa ortalyǵynan habarlady.
Ortalyqtyń habarlaýynsha, saıt búgin qosylǵan. www.bagdat-s.kz dep atalatyn saıtta ánshiniń ómirbaıany, sýretteri men jańa beınebaıandary, ánderi berilgen. Saıttan sondaı-aq jańalyqtardy oqyp, jańa ánderdi júktep alýǵa bolady.
«30 jyldan astam «Qazaqkontserte» istep kelemin. Qazaq ónerine azdy-kópti eńbek sińirdim. Ánshi, óner adamy bolǵan soń jan-jaqtan suraqtar kóp túsip jatady. Jeke ómirim týraly ánderimdi qaıdan alýǵa bolatynyn bilgisi keletinder barshylyq. Onyń ústine jeke prodıýserim joq. Keıde kontsertterim týraly aqparat berýge qınalyp jatamyn. Sondyqtan ǵalamtor betinde ózim týraly aqparat berip turatyn saıttyń bolǵandyǵyn jón kórdim. Qazir aqparat zamany, sondyqtan qoǵammen tikeleı baılanys ornatyp, ózim týraly tikeleı aqparat beretin saıt bolýy qajet dep sanaımyn. Endi budan bylaı tyńdarmandarym men týraly aqparatty saıttan tikeleı ala-alady», - deıdi ánshiniń ózi. Onyń aıtýynsha, saıtty jasaýshy «Qalamger TEN» JShS baǵdarlamashylarynyń kómegi arqyly saıt turaqty túrde jańartylyp turmaq.
www.bagdat-s.kz qazaq ánshileri arasynda ashylyp otyrǵan sanaýly saıttardyń biri. Qazirgi kezde qazaq shoý-bıznesinde «MýzArt», «Ulytaý», «Úrker» toptarynyń, Altynaı Jorabaeva men Talǵat Jorabaevtyń jeke saıttary jumys isteıdi.
