Belgili amerıkandyq boksshy Darnell Býn Gennadıı Golovkındi jekpe-jekke shaqyrdy
ASTANA. QazAqparat - Andre Ýordty nokdaýnǵa jibergen, birinshi aıqasta Adonıs Stıvensondy nokaýtqa jibergen belgili amerıkandyq boksshy Darnell Býn (21-21-4, 10 KO) WBA Super World nusqasy boıynsha ortasha salmaqtaǵy (72,6 kelige deıin) álem chempıony Gennadıı Golovkınmen (33-0, 30 KO) jekpe-jekke shyqqysy keletinin jetkizdi.
Óz kezeginde Golovkınniń keshegi qarsylasy kishi Ýıllı Monrony jeńgen 35 jastaǵy amerıkandyq qazaqstandyq nokaýtermen kúsh synasyp kórýge ańsary aýǵanyn jasyrmady, dep habarlady Sports.kz. «Gennadıı Golovkınmen aıqasqa shyqqym keledi. Skeptıkterdiń kópshiligi bir nárseni túsine bermeıdi - men asa myqty Ogaıo shtatyndaǵy ıAngstaýn jerinenmin. Biz ólispeı berispeımiz. Óz jolymda ortasha salmaqtaǵy kez kelgen chempıondy sulata alatynyma senimdimin. Golovkın osyny bile júrsin», - dep málim etti Darnell Býn. Amerıkandyq boksshy qazir ortasha aýyr salmaq dárejesinde (79,4 kelige deıin), sońǵy jarty jylda ýaqytynan buryn eki ret jeńiske qol jetkizdi. Jeltoqsanda kolýmbııalyq Dıonısıo Mırandany nokaýtqa jiberse, 2015 jylǵy sáýirde jeńiske úmitker retinde rıngke shyqqan óz otandasy Fıllıp Djekson Bensondy toqtatty. Golovkınmen aıqasqa shyǵý úshin Darnell Býn mansabynyń kóp bólgin ótkizgen ortasha salmaqqa qaıta túsýge ázir ekendigin jetkizdi.
