Belgili amerıkalyq fotograf Shymkenttiń kórikti jerlerin túsirdi

ShYMKENT. QazAqparat - Shymkent qalasynyń týrıstik tartymdylyǵyn nasıhattaý maqsatynda týrızm basqarmasynyń shaqyrtýymen qalaǵa National Geographic jáne New York Times jýrnaldarynyń tanymal fotografy Djordj Shteınmets keldi, dep habarlaıdy QazAqparat tilshisi.

Sheteldik fotograf shahardyń negizgi týrıstik nysandarynyń, atap aıtqanda Eski qalashyqtaǵy «Tsıtadel» jobasy, Táýelsizdik saıabaǵy, Qoshqar ata ózeni, Báıdibek bı eskertkishi men etnoaýyl, Arbat pen Abaı saıabaǵy sekildi kórikti oryndardyń fototúsirilimin júrgizdi.

Endi megapolıs turǵyndary tanymal kásipqoıdyń obektıvi arqyly shahardyń sulýlyǵyn qus ushatyn bıikten túsirilgen sýretteri arqyly tamashalaı alady.

Fotosýretshi Qazaqstannyń ońtústigi týraly shyǵarmalaryn mıllıonnan astam jazylýshysy bar Instagram paraqshasynda jáne jeke veb-saıtynda jarııalaýdy josparlap otyr. Sonymen qatar sýretter National Geographic jáne The New Yorker sııaqty bedeldi buqaralyq aqparat quraldarynda shyǵady dep kútilýde.

Aldaǵy ýaqytta, pandemııadan keıingi kezeńde Shteınmetstiń Shymkentte túsirgen sýretterinen Qazaqstannyń ózge óńirlerinde fotokórme ótkizýge bolady.