Belgili alashtanýshy «Aq jol» partııasynyń múshesi boldy

NUR-SULTAN. QazAqparat – Alashtanýshy ǵalym Sultan Han Aqquly Júsiptiń ótinishi fraktsııanyń osy otyrysynda beınekonfererentsııaǵa qatysyp otyrǵan «Aq joldyń» barlyq fılıaly ókilderiniń qatysýymen daýysqa salyndy. Onyń ótinishi biraýyzdan maquldanyp, partııa qataryna qabyldandy, dep habarlaıdy QazAqparat tilshisi.

Bul týraly alashtanýshynyń ózi Facebook paraqshasynda jazdy.

«Shyny kerek, bul sheshim ońaı bolǵan joq. Elge oralǵan 2013 jyldan beri 7 jyl ótti. Áıtse de «Aq jol» demokratııalyq partııasyna kirýime bul saıası uıymnyń ózin qazirgi Qazaq eliniń myzǵymas irgetasyn qalap, shekarasyn belgilep ketken HH ǵasyr basyndaǵy «Alash» partııasynyń murageri dep sóz júzinde ǵana emes, jetekshisi, «Alash» qaıratkeri Perýash Kárimulynyń nemeresi Azat Perýashev bastaǵan partııanyń «Alash» ıdeıasyn, qozǵalysyn, partııasyn, ataýlas Ulttyq Jerli Avtonomııasyn jáne «Alash» qaıratkerlerin tııanaqty is-áreketimen, qazaqsha-oryssha maqala-jarııalanymdarymen, ulttyq, halyqaralyq ǵylymı baıqaýlarymen, ǵylymı konferentsııalarymen múmkindiginshe shar tarapqa nasıhattap kele jatqan ıgi isi túrtki boldy. Búgin «Alash» taqyrybyn «Aq jol»-dan artyq nasıhattaǵan partııa bar ma!? Al ısi qazaqqa «Alash»-tan asqan ıdeıa tabyla ma!?» - dep jazdy Sultan Han Aqquly.

Eske sala ketsek osydan úsh jylǵa jýyq ýaqyt buryn Sultan Han Aqquly QazAqparat tilshisine Alash taqyrybynda suhbat bergen edi.