Belgili aqyn Serik Qalıev dúnıeden ótti
ASTANA. QazAqparat – Tanymal aqyn, jýrnalıst Serik Qalıev ómirden ótti.
Bul týraly búgin óziniń Facebook paraqshasynda dintanýshy, jýrnalıst Ardaq Baıǵabyl jazdy, dep habarlaıdy QazAqparat.
«Jatqan jeri jaıly bolsyn aǵamyzdyń. Búgin Qazaq eliniń aqyny, keremet tulǵa, asyl aǵam Serik Qalıev baqılyq boldy. Allah rahymyna alsyn Sizdi aǵaý. 30 kún orazasyn ustap, sháýýal aıynyń 6 kúndik orazasyn túgendep, Quptan namazyna bara jatqan jerinde jolda kólik qaǵyp ketti aǵamyzdy»,-dep jazdy ol.
Serik Qalıev – Jambyl oblysy, Jambyl aýdany, Amangeldi aýylynda týǵan. Aıtysker aqyn.
1983-1995 jyldary oblystyq, respýblıkalyq aqyndar aıtystaryna qatysyp, júldeli oryndardy ıelengen.
Óleńderi 1987 jyly jas aqyndardyń «Qarlyǵash» ujymdyq jınaǵyna («Jalyn» ) engen.
