Belgili aqyn, prozaık Baqytjan Qanapııanovtyń shyǵarmashylyq keshi ótti

Keshke «Lıteratýrnoıa gazetanyń» bas redaktory ıÝrıı Polıakov bastaǵan Reseıdiń Irına Sıletskaıa, Sergeı Mnatsakanıan, Aleksandr Tımchenko syndy aqyn-jazýshylarynan quralǵan delegatsııa qatysýda. Bunymen qatar QR Úkimetiniń basshysy Kárim Másimov, QR Mádenıet mınıstri Muhtar Qul-Muhammmed, belgili aqyn Oljas Súleımenov, Astana qalasynyń ákimi Imanǵalı Tasmaǵambetov, Darıǵa Nazarbaeva syndy qoǵam qaıratkerleri arnaıy quttyqtaý joldady.

Baqytjan Qanapııanov qazirgi Qazaqstan ádebıetindegi tanymal aqyn, jazýshynyń biri. Onyń shyǵarmalary álemniń 20 tiline aýdarylyp, Reseı, Ýkraına, AQSh, Ulybrıtanııa, Kanada, Koreıa men Malaızııada basylyp shyqqan. Ol óleń, prozalyq shyǵarmalar jazýmen qatar aqyndardyń óleńderin aýdarýmen de aty málim. Ol túrli jyldary Abaı, Maǵjan, Mahambet, Jambyl men Kenen, Shákárim, Maǵjan jyrlaryn, «Qyz Jibekti» orys tiline aýdarǵan.

Ol kıno men televıdenıede de belsendi eńbek etedi. Búginge deıin 20-ǵa jýyq derekti fılmniń avtory, rejısseri boldy. Olardyń qatarynda «Abaı: ómiri men shyǵarmashylyǵy» (1983), «Shákárimniń sońǵy kúzi» (1992) syndy tanymal fılmder bar. «Ádebı Azııa», «Ádebı Almaty» almanahtarynyń bas redaktory. «Jibek joly» baspasynyń dırektory bolyp qyzmet atqaratyn ol Qazaqstannyń eńbek sińirgen mádenıet qyzmetkeri, Táýelsiz «Tarlan» syılyǵynyń, halyqaralyq Alash syılyǵynyń, Qazaqstan jýrnalıster odaǵy syılyǵynyń, Mahambet atyndaǵy syılyqtyń, «Parasat» ordeniniń ıegeri.