Belgili aqyn Aqushtap Baqtygereeva Eýrazııa ýnıversıtetiniń stýdentterimen kezdesedi
ASTANA. QazAqparat - 3 sáýir kúni (saǵat 17.00-de) L.Gýmılev atyndaǵy Eýrazııa ulttyq ýnıversıtetinde belgili aqyn Aqushtap Baqtygereevamen kezdesý ótedi.
Aqushtap Baqtygereeva elimizge tanymal aqyn. Ol - Qazaqstannyń mádenıet qaıratkeri, «Qurmet» ordeniniń ıegeri jáne «Alash» halyqaralyq ádebı syılyǵynyń laýreaty. Aqushtap Baqtygereeva jastarǵa aqyl-keńesin aıtyp, táýelsiz eldiń bolashaǵyn qalyptastyrýda eńbek sińirip júrgen aqynnyń biri. Ol jas urpaq tárbıesi týraly jáne ulttyq qundylyqtardy qasterleý jaıly oı-tolǵamdaryn stýdentterdiń sanasyna kóbirek sińirý qajet dep esepteıdi.
Qazir Oral qalasynda turatyn aqyn Astana jurtshylyǵyna jalyndy jyrlaryn ala kelip otyr. Osy keshte aqyn asqaq ta órshil óleńderin oqyp, qoǵam, zaman, rýhanı baılyq týraly óz oılarymen bólispekshi.
«Jaıyqtyń aq shaǵalasy» atty ádebı-sazdy keshti Eýrazııa ulttyq ýnıversıteti janyndaǵy «Káýsar» mádenı-tanymdyq birlestigi uıymdastyryp otyr. Ádebı-mádenı is-sharany atalǵan birlestiktiń jetekshisi, belgili ánshi Kenjeǵalı Myrjyqbaı júrgizedi.
