Belgili akter jáne rejısser Donatas Banıonıs dúnıeden ótti
ASTANA. QazAqparat - 91 jasqa qaraǵan jaǵynda belgili lıtvalyq akter jáne rejısser, KSRO halyq ártisi Donatas Banıonıs dúnıeden ótti. Bul týraly DELFI basylymyna onyń uly Raımýndas málim etken, dep habarlady Lenta.rý.
Akter aýrýhanada kóz jumǵan. Sońǵy kezde Banıonısti júrek syrqaty meńdetken bolatyn. «Eki kún buryn ınsýlt soqty», dedi Raımýndas. Basylymnyń atap ótýinshe, 2008 jyly onyń zaıyby Onýte qaıtys bolǵan edi, osydan bastap, onyń densaýlyǵy syr bere bastady. Oǵan júrek stımýlıatoryn qoıdy, odan keıin uzaq ýaqyt saýyqtyrý kýrsynan ótti.
Donatas ıÝozovıch Banıonıs 1924 jyly Kaýnasta týǵan, 1940 jyly ol rejısser ıÝozas Mıltınıstiń trýppasyna qosyldy, odan keıin Panevejıske ornyqty. Osy shaǵyn teatrdyń sahnasynda ol 60 jyl eńbek etti. Onyń basty rólderi «Makbettegi» Banko, «Gedde Gablerdegi» Tesman, «Kommıvoıajerdiń ólimindegi» Lomen.
Banıonıs 1959 jyly alǵash ret «Adam kisi bolǵysy keledi» degen fılmge tústi. Al alǵashqy KSRO Memlekettik syılyǵy oǵan Vıtaýtas Jalakıavıchıýstiń «Eshkim de ólgisi kelmegen edi» (1966) fılmindegi róli úshin berildi. 1969 jyly Savva Kýlıshtiń «Óli maýsym», 1971 jyly Grıgorıı Kozıntsevtiń «Korol Lır», 1972 jyly Andreı Tarkovskııdiń «Solıarıs», 1975 jyly Mıhaıl Shveıtserdiń «Mıster Mak-Kınlıdiń qashýy» (taǵy bir Memlekettik syılyq) fılmderine tústi.
