Belgili akademık Edil Erǵojın dúnıeden ozdy

ALMATY. QazAqparat –79 jasyna qaraǵan shaǵynda belgili ǵalym, hımııa ǵylymdarynyń doktory, professor, QR Ulttyq ǵylym akademııasynyń akademıgi, Qazaqstanǵa eńbegi sińgen ǵylym qaıratkeri Edil Erǵojın dúnıeden ozdy, dep habarlaıdy QazAqparat tilshisi.

Qaraly habardy QR Ulttyq ǵylym akademııasynda rastady.

Edil Erǵojauly Erǵojın 1941 jyly 7 qarashada Almaty oblysy, Ekpindi aýylynda dúnıege kelgen.

1963 jyly1963 jyly QazMÝ-diń hımııa fakýltetin úzdik belgimen bitirgen. 1980-1988 jj. – kafedra meńgerýshisi, 1980-1983 jj. – hımııa fakýltetiniń dekany, 1983-1986 jj. – birinshi prorektor. 1986-1988 jj. – S.M.Kırov atyndaǵy Qazaq memlekettik ýnıversıtetiniń rektory.

Dúnıejúzine aty shyqqan Qazaqstandaǵy hımııa boıynsha ıondyq almasý men membrandy tehnologııalary mektebiniń negizin qalaýshy jáne 1976 jyly Qazaqstannyń qurmetti Altyn kitabyna engen.

Ulttyq ǵylym akademııasynyń (1989), Nıý-Iork ǵylym akademııasynyń akademıgi (1994), Qazaqstan Respýblıkasynyń ǵylym qaıratkeri (1984), Memlekettik syılyqtyń laýreaty (1982) retinde kópshilikke tanymal tulǵa.

Ár jyldary molekýlalyq hımııa men ıon almasý salasyndaǵy halyqaralyq sımpozıýmdarda ǵylymı baıandamalar jasaǵan. Hımııa jáne hımııa tehnologııasy salasyndaǵy birlesken ǵylymı zertteýler boıynsha halyqaralyq kelissezderge qatysqan.

Almaty oblysy jáne Eskeldi aýdanynyń qurmetti azamaty.