Belgilengen merzimde elden shyǵyp ketýden jaltarǵan 77 azamat jazalanady - QR UQK Shekara qyzmeti

ASTANA. QazAqparat - Qazaqstandyq shekarashylar bir táýlik ishinde belgilengen merzimde elden shyǵyp ketýden jaltarǵan 77 azamatty - Qytaıdyń 27 azamatyn jáne Ózbekstannyń 50 azamatyn ustady, dep habarlaıdy QR UQK Shekara qyzmetiniń baspasóz qyzmetinen.

Atap aıtqanda, «Jolaýshylar» bólimi «Qorǵas» ótkizý pýnktiniń shekara narıady QHR-dyń 27 azamatyn ustady. Ustalǵandar turǵylyq mekenderine qaıtyp bara jatqan.

Qazirgi ýaqytta zań buzýshylardan kelý týraly mindetteme alyp bosatyp jiberildi, olardy Panfılov aýdandyq sotyna jiberý josparlanýda.

Saryaǵash shekara jasaǵy «Qaplanbek» ótkizý pýnktiniń narıady Ózbekstannyń 50 azamatyn da belgilengen merzimde shyǵyp ketýden jaltarǵany úshin ustady.

Jaltarýshylardy Saryaǵash qalasynyń mamandandyrylǵan ákimshilik sotyna tapsyrý josparlanýda.