Belgilenbegen oryndarǵa qoqys tókken 20 júrgizýshi jaýapkershilikke tartyldy
ASTANA. QazAqparat - Astana qalasynyń ІІD Jergilikti polıtsııa qyzmetiniń tabıǵatty qorǵaý polıtsııasy qyzmetkerleri belgilenbegen jerlerge las suıyqtyq qaldyqtaryn tókken azamattardy anyqtaýǵa baǵyttalǵan is-sharalardy turaqty túrde júrgizip otyrady, dep habarlaıdy Astana qalasy ákimdiginiń resmı saıty.
Jyl basynan beri QR ÁQBtK 505-baby «Qalalar men eldi mekenderdiń aýmaqtaryn abattandyrý qaǵıdalaryn buzý...» boıynsha 4 assenızatorlyq mashınanyń júrgizýshisi ákimshilik jaýapkershilikke tartylǵan, salynǵan aıyppuldyń jalpy somasy 192 400 teńge.
Keshe Esil aýdandyq ІІB JPQ tabıǵatty qorǵaý polıtsııa qyzmetkerleri Gaz-3307 avtokólik júrgizýshisiniń «Jasyl beldeý» aýdanynda belgilenbegen jerge las suıyqtyqty tókkenin anyqtaǵan. 28 jastaǵy azamat QR ÁQBtK 505 babyn buzǵany úshin ákimshilik jaýapkershilikke tartylyp, 20 AEK (48100 teńge) aıyppul salyndy.
Sondaı-aq, «Bi Village» kottedj qalashyǵy aýdanynda belgilenbegen jerge beton suıyqtyǵyn tókken «Howo» avtokóliginiń júrgizýshisi QR ÁQBtK 505-baby 1 tarmaǵy («Qalalar men eldi mekenderdiń aýmaqtaryn abattandyrý qaǵıdalaryn buzý...») boıynsha ákimshilik jaýapkershilikke tartylǵan.
Jalpy jyl basynan beri belgilenbegen oryndarǵa qoqys qaldyqtaryn, qar, las suıyqtyqty tókken 20 shaqty júrgizýshi jaýapkershilikke tartyldy. Salynǵan aıyppuldyń jalpy somasy shamamen 620 myń teńgeden asty.
