Belfast qalasynda polıtseıler men órt sóndirýshilerdiń Búkilálemdik 15-shi oıyndary bastaldy

Álemniń túrli qalalarynda eki jylda bir ret ótkiziletin bul bedeldi halyqaralyq jarysqa Qazaqstan quramasy da qatysady.

Oıynnyń saltanatty ashylý rásiminde elimizdiń kók baıraǵyn komandanyń ataqty atletteriniń biri - QR sportqa eńbegi sińgen sheberi, polıtsııa podpolkovnıgi Serik Nurǵalıev alyp júrdi. Qazaqstan jasaǵynyń kapıtany - álemniń toǵyz dúrkin chempıony jáne rekordshysy, quqyq qorǵaý organdary arasyndaǵy Eýropa chempıony jáne álem birinshilikteriniń 27 altyn, 6 kúmis jáne 2 qola medaliniń ıegeri.

Sonymen qatar el namysyn halyqaralyq týrnırde quqyq qorǵaý organdarynyń arasyndaǵy álem chempıony, ońtústikqazaqstandyq polıtsııa podpolkovnıgi Asqar Jandarov, jaqynda polıtsııa maıory sheni berilgen halyqaralyq sport sheberi, Astana qalasynyń ІІD jol polıtsııasynyń aǵa ınspektory Talǵat Qojabaev, QR sport sheberleri - Shyǵys Qazaqstan oblysynan polıtsııanyń aǵa leıtenanty Ashat Elýbaev pen Almatydan polıtsııa kapıtany Abdýlsanat Sharafov qorǵaıdy.

Qazaqstandyq sportshylardyń 15-shi búkilálemdik polıtseıler men órt sóndirýshiler arasyndaǵy oıyndarda alǵashqy kezdesýleri 3 tamyzda bastalady. Bul kúni bizdiń atletshiler dzıýdodan ótetin básekege qatysady. 100 keliden joǵary salmaq dárejesinde tatamıge Asqar Jandarov pen Talǵat Qojabaev shyǵady. 90 kelide Ashat Elýbaev baq synaıdy. 6 tamyz - Serik Nurǵalıev ( benchpress, pýshpýllıftıng, armrestlıng) pen boksshy Abdýlsanat Sharafovtyń sheberligin kórsetetin kún.

Búkilálemdik oıyn tamyzdyń 10-na deıin jalǵasady. Oǵan 70 elden shaqyrylǵan 20 myńnan astam sportshy qatysýda, onyń jartysy - quqyq qorǵaý organdarynyń qyzmetkerleri.

Kelesi oıyndar 2015 jyly Vashıngtonda ótkiziledi.