«Beleń alǵan bedeýlik» - baspasózge sholý

ASTANA. QazAqparat - «QazAqparat» halyqaralyq aqparat agenttigi 9 qazan, juma kúni jaryq kórgen respýblıkalyq buqaralyq aqparat quraldaryndaǵy ózekti maqalalarǵa sholýdy usynady.

***

«Egemen Qazaqstan» basylymy búgingi tańda bedeýlik beleń alǵan Ońtústik Qazaqstan oblysyndaǵy jaǵdaıdy másele etip kóterip otyr.

"Reprodýktolog dárigerler Oń­tústik Qazaqstan oblysynda beleń alǵan bedeýliktiń negizgi sebepterin atady. Bul tujyrymdy «DL-EKO» qazaq-ızraıldik kópsalaly klınıka mamandary jasaǵan. Al osynaý málimetter Ońtústik Qa­zaq­stan oblysy boıynsha «Damý» qo­rynyń aımaqtyq fılıalymen uıym­dastyrylǵan press-týr barysynda jýrnalısterge jarııa etildi", - dep jazady basylym "Beleń alǵan bedeýlik" atty maqalasynda.

Atalmysh klınıka dırektory Borıs Goıhman: «Bul derttiń órshýine densaýlyqty saqtaýǵa mán bermeýshilik pen aýrýdyń aldyn alý sharalarynyń bolmaýy negizgi sebep bolyp otyr», - deıdi.

Oǵan qosa jappaı profılaktı­kalyq zertteýlerdiń bolmaýy másele týyndatyp otyr. Onyń aıtýynsha, áı­elderge ár jarty jyl saıyn pro­fılaktıkalyq tekseristen ótý qajet, al er adamdarǵa joq degende jylyna bir ret. «Aýrýdy emdegennen góri onyń aldyn alǵan qashanda jaqsy. Bul baǵyt burynǵy Keńes Odaǵynda jaqsy jolǵa qoıylǵan edi. Qazir, baıqap otyrǵanymdaı, óte álsiz. Eshbir naýqas asqynbasa jynystyq juqpa bar-joǵyn anyqtaýǵa kelmeıdi, alaıda, onyń óńirlerde kezdesetinine 90 paıyz senimdimin», - deıdi dáriger.

Borıs Goıhmannyń aıtýynsha, belsizdikke ekologııanyń nasharlaýy men durys tamaqtanbaý kesirin tıgizip jatyr.

- Nátıjesinde ekstrakorporaldi uryqtandyrýǵa degen suranys jo­ǵary deńgeıde qalyp otyr. Alaıda, oǵan qymbat turatyn ımporttyq jabdyq qajet. Osylardy eskere oty­ryp, bedeýlikti emdeýge maman­dan­dyrylǵan «DL-EKO» qazirgi za­manǵy reprodýktıvti tehnologııany qoldanýǵa basymdyq berip otyrmyz. Bala súıgisi keletinderdiń kóp bóligi úshin jalǵyz jol bolyp otyr.

Keshe Elbasy Nursultan Nazarbaev jumys saparymen Jambyl oblysynda boldy. Bul týraly "Egemen Qazaqstan" basylymy keshe Jambyl jerinde, Taraz tórinde Qazaq handyǵynyń 550 jyldyǵyna arnalǵan is-sharalarǵa qatysty maqalasynda xabarlap otyr.

"Al Memleket basshysy Nursultan Nazarbaev óńirge saparyn «Áýlıe ata» halyqaralyq áýejaıynyń jolaýshylarǵa arnalǵan jańa termınalyna barýdan bastady. «Áýlıe ata» áýejaıy kesheni kúrdeli jóndeýden ótip, jolaýshylarǵa jańa keıipte qyzmet etip jatqanyna az ǵana ýaqyt ótti. Áýejaı kesheni aerovokzaldy, aerodromdy, avıatsııalyq-tehnıkalyq bazany qamtıdy. Sondaı-aq, onda ushýdy radıo quraldary kómegimen jáne jaryqpen qamtamasyz etýge arnalǵan qurylǵylar, túrli tehnıkalar jáne basqa da jabdyqtar bar", - deıdi gazet "Ult tarıxy ulyqtalǵan kún" atty materıalda.

Osydan keıin Elbasy Taraz qala­syndaǵy «Qazaq handyǵy» monýmentiniń ashylý saltanatyna qatysty.

"El tarıhynyń óshpes taby qalǵan, ejelgi ordamyzdyń shańyraǵy kóterilgen kóne Taraz jerinde Qazaq handyǵynyń 550 jyldyǵyna arnalǵan erekshe monýment boı kóterdi. «Qazaq handyǵy» monýmentiniń bıiktigi 30 metrdi quraıdy. Aýmaǵy 3,5 gektardy alyp jatqan bul keshenniń eń erekshe arhıtektýralyq sheshimi, árıne, Qazaq handyǵynyń negizin qalaǵan Kereı men Jánibek handardyń taqta otyrǵan sátiniń beınelenýi boldy. Bul kúni monýment mańyna elýge jýyq kıiz úı tigilip, sahna, altybaqan, sporttyq alańdar, taıqazandar jáne basqa da nysandar ornatylyp, óz aldyna ádemi etnoaýyl oryn tepti", - delingen maqalada.

***

"Aıqyn" basylymynyń búgingi sanynda "El Úkimeti "ımmýnıtetinen" aıyrylmaıdy" atty maqala jarııalandy.

"Qazaqstanda el Úkimetin «ımmýnıtetinen» aıyrylýdan saqtaýǵa septigin tıgizetin zań qabyldandy. Qasym-Jomart Toqaevtyń tóraǵalyǵymen ótken keshegi jalpy otyrystarynda senatorlar Qazaqstannyń Kásipkerlik kodeksiniń jobasyn jáne oǵan ilespe zań jobasyn birden eki oqylymda quptady. Bir qyzyǵy, osy qujattar boıynsha alda elimizde tek Elbasyǵa ǵana baǵynatyn jańa laýazymdy tulǵalar paıda bolmaq", - dep xabarlaıdy gazet.

"Kez kelgen memlekette resmı bılik pen ınvestor arasynda daý-janjal boı kóterip turady. Budan Qazaqstan da qutyla almaıdy. Mundaıda sheteldik ınvestorlar Úkimettiń basyn arbıtrajǵa, aǵylshyndyq sotqa súıreıdi. Bul memleket úshin úlken shyǵyn ǵana emes, syn-qater: Batys ózine baq­talas sanap, damýshy memleket­terdiń, ásirese, Shyǵys elderiniń ınvestorlarmen daýlaryn jarııa­laýǵa basa mán beredi, al bul eldiń ınvestıtsııalyq tartym­dylyǵyna, ımıdjine nuqsan keltirýi múmkin", - delingen maqalada.

«Nur Otan» partııasynyń Respýblıkalyq qoǵamdyq qabyldaý bólmesinde Bilim jáne ǵylym mınıstri Aslan Sárinjipov azamattardy jeke máseleleri boıynsha qabyldady, dep jazady "Aıqyn" basylymy.

Mınıstr muǵalimderdiń muńyn tyńdap, múgedek balalary bar ata-analardyń máselesine nazar aýdardy. Sonymen qatar bilim berýdiń mem­lekettik grantyn taǵaıyndaý men jumysqa qabyldaýǵa qatysty suraqtarǵa jaýap berdi.

Halyqpen tildesken mınıstr taǵy qandaı máselelerge qanyq boldy? Tolyǵyraq "Muǵalimder men ata-analar mınıstrge muń shaqty" atty maqaladan oqı alasyzdar. ***

Qazaqstan tarıxyna jańa paraqtar jazylatyn bolady. Bul týraly Qazaqstan halqy Assambleıasynyń «Uly dala eli» ekspedıtsııanyń qatysýshylary aıtýda, dep xabarlaıdy "Ekspress K" basylymy "V shage ot sensatsıı" atty maqalada.

"Ekspedıtsııa birneshe marshrýttar boıynsha ótti. Olardyń ishinen Jambyl oblysy Berikqara ańǵaryn erekshe ataýǵa bolady. Onda 500-ge tarta Saq qorǵany qatar-qatar tizilip jatyr. Jergilikti malshylar ekspedıtsııa qatysýshylaryna jaqyn jerde Tamǵalysaı men Kólsaı ańǵarlarynda tas betine salynǵan sýretter baryn aıtqan. Olar birden sol jerge tartqan. Jergilikti jerdiń tarıxy 1000 jylǵa keıin - temir dáýirinen qola dáýirine deıin shegerildi", - delinedi materıalda.

Ekspedıtsııa músheleri, sonymen qatar, ol jerde orta ǵasyrlarda sýarý júıeleri bolǵanyn anyqtady.