Beldikpen urǵan: Semeı áskerı lıtseıindegi oqıǵaǵa túsinikteme berildi
Áleýmettik jelide taraǵan vıdeodan áskerı forma kıgen adamnyń jasóspirimdi beldikpen soǵyp, bylapyt sózder aıtyp jatqanyn kórýge bolady.
«3 aqpanda áleýmettik jelige monıtorıng jasaý kezinde 111 vzvod ulanynyń 91 vzvod ulanyn soqqynyń astyna alǵany túsirilgen vıdeo qolymyzǵa tústi. Sonymen qatar ofıtserdiń 71 vzvod ulanyn beldikpen urǵanyn anyqtadyq. Atalǵan jaǵdaı 2022 jyldyń qazan aıynda bolǵan», – dep túsindirdi Abaı oblystyq Bilim basqarmasynan.
Qyzmettik tekserý barysynda atalǵan faktiler rastalyp, kináliler jaýapqa tartylǵan.
«111 vzvodtyń tárbıelenýshisi 2023 jyldyń 6 aqpanynda oqýdan bosatyldy. Ofıtser osy jyldyń 8 aqpanynda jumystan shyǵaryldy. Ulandyqtardyń arasyndaǵy kıkiljiń «Jas Ulan» lıtseıi men oblystyq Bilim basqarmasy basshylyǵynyń tikeleı baqylaýynda», – delingen basqarma taratqan málimette.
