Belbeýlerdi áli qaıtaramyz - Jánibek Álimhanuly «Kanelomen» aıqasty asyǵa kútýde
«Buıyrtsa belbeýlerdi qaıtaryp alamyz! 2019 jyly meniń promoýterim Kanelonyń promoýterimen kelisedi dep senemin. Asyǵa kútemin! Meksıkalyqtarǵa qazaq boks stılin kórsetemiz!», - dep jazdy Jánibek óziniń Instagram paraqshasynda.
Kásipqoı bokstaǵy jas periniń bulaısha senimdi sóıleýiniń sebebi de bar. Óıtkeni, Jánibek Álimhanuly álemge áıgili promoýter Bob Arýmmen kelisimge kelgen bolatyn.Ol kelisim jaıly kásipqoı bokstaǵy alǵashqy qazaqstandyq sportshylardyń biri, IBA jáne IBF tujyrymdary boıynsha burynǵy álem chempıony, WBO tujyrymy boıynsha burynǵy qurlyqaralyq álem chempıony Marat Mázimbaev «Arým tek bolashaq chempıondarmen kelisimshartqa otyratynyn» málim etken edi.
Eske sala ketsek, boksshy Jánibek Álimhanuly (2-0-0,1KO) Amerıkadaǵy alǵashqy jekpe-jegin AQSh-tyń Kalıfornııa shtaty Oklend qalasynda ótkizedi. Jánibektiń qarsylasy -kolýmbııalyq Karlos Galvan.
Aıta ketsek, búgin Amerıka Qurama Shtattarynyń Las Vegas qalasyndaǵy T-Mobile Arena-da qazaqstandyq boksshy Gennadıı Golovkın (38-0-1, 34 KO) men meksıkalyq Saýl Alvares rematch ótkizip, tóreshilerdiń sheshimimen jeńis meksıkalyqqa buıyrǵan edi.