Belbeý kúresten álem chempıonaty: Túrkistandyq «kúmis» aldy
ShYMKENT. QazAqparat - Túrkistandyq sportshysy Perızat Jaqypbekova belbeý kúresten ótken álem chempıonatynda kúmis júldeger atandy, dep habarlaıdy QazAqparat tilshisi.
Tatarstannyń Qazan qalasynda ótken álem básekesine 42 eldiń ókilderi qatysty.Otyrar aýdanynyń týmasy Jaqypbekova 76 keli salmaqta beldesip, óz myqtylyǵyn tanytyp, «kúmis» aldy.
Jalpy chempıonat qorytyndysy boıynsha, Qazaqstannyń ulttyq quramasy 4-oryn alǵan. Al 15 altyn medalǵa qol jetkizgen Reseı quramasy birinshi oryndy ıelendi.
Aıta keteıik, álem boıynsha qarqyndy damyp kele jatqan belbeý kúresti aldaǵy kezderi olımpıada oıyndaryna engizý josparlanýda. Osy turǵyda álem chempıonattary men halyqaralyq jarystardy jıi ótkizip, barlyq elderde damytý maqsaty qoıylǵan.
