Belarýstiń et konservisi arzan – AShM otandyq ónimniń nege qymbat ekenin túsindirdi
ASTANA. KAZINFORM – Aýyl sharýashylyǵy vıtse-mınıstri Amanǵalı Berdalın Qazaqstanda óndirilgen et konservisiniń baǵasy nege sheteldik ónimderden de qymbatqa túsetinin túsindirdi.
Úkimet úıinde ótken brıfıngte tilshiler elde qansha et kombınaty salynsa da, Belarýstten jetkizilgen et konservisi arzanyraq shyǵatynyn aıtty.
Vıtse-mınıstrdiń aıtýynsha, bir ataýmen satylatyn et ónimderiniń baǵasy olardyń quramyndaǵy et sapasyna qaraı ózgerip otyrady.
– Konserviniń baǵasy oǵan qandaı et paıdalanylǵanyna baılanysty. Mysaly, maldyń qońdylyǵy joǵary bolsa, onyń eti de qymbatyraq bolady. Ettiń sanatyna qaraı baǵasy ózgeredi. Belarýs ónimderinde paıdalanylatyn ettiń sapasy bizdegiden tómen bolýy múmkin. Sondyqtan baǵasynda da aıyrmashylyq bar. ıAǵnı ettiń sapasy onyń baǵasyna tikeleı áser etedi, – dep jaýap berdi A. Berdalın.
Onyń aıtýynsha, konserviniń syrtynda «sıyr eti» dep jazylǵanymen, bul onyń quramyndaǵy ettiń sapasy birdeı degendi bildirmeıdi.
– Sıyr etiniń ózi birneshe sanatqa bólinedi: qońdy, ortasha qońdylyqtaǵy jáne aryq maldyń eti bar. Sondyqtan «sıyr eti» dep jazylǵan eki konserviniń baǵasy birdeı bolmaýy múmkin, – dep túsindirdi ol.
Buǵan deıin Aýyl sharýashylyǵy vıtse-mınıstri Nazgúl Hatepova Qazaqstanda óndirilgen kókónister qalaı saqtalatynyn aıtyp bergen edi.
Sondaı-aq elde ettiń kúrt qymbattaýyna negiz joq.
