Belarýstegi prezıdent saılaýy ótti dep tanyldy

ASTANA. KAZINFORM – Saılaýshylardyń 56,64 paıyzy belsendilik tanytty, dep habarlaıdy Kazinform BELTA-ǵa silteme jasap.

Mundaı málimetterdi OSK aqparat ortalyǵynda OSK tóraǵasynyń orynbasary Alekseı Bashan málimdedi. 

Belarýs Respýblıkasynyń zańnamasyna sáıkes, eger daýys berýge saılaýǵa qatysýǵa quqyǵy bar azamattardyń tizimderine engizilgen saılaýshylardyń jartysynan astamy qatyssa, saılaý ótti dep esepteledi. 

Buǵan deıin áleýmettik zertteýde Belarýs halqynyń 85,5 paıyzy prezıdent saılaýyna qatysatyny aıtylǵan bolatyn. Sondaı-aq Belarýste prezıdent saılaýy ótip jatqanyn habarlaǵan edik.

Sondaı-aq Lýkashenko Belarýstegi prezıdent saılaýynda daýys berdi.