Belarýste prezıdent saılaýy ótip jatyr

ASTANA. KAZINFORM — Belarýs Respýblıkasynda prezıdent saılaýy bastaldy, dep habarlaıdy Kazinform BELTA-ǵa silteme jasap.

Erterek daýys berý 21-25 qańtar aralyǵynda ótti. Saılaýshylar aıtarlyqtaı joǵary belsendilik tanytty. Belarýs Respýblıkasy Prezıdentiniń saılaýynda saılaýshylar tizimine engizilgen azamattardyń 41,81 paıyzy merziminen buryn daýys berdi.

Respýblıka boıynsha 5 325 saılaý ýchaskesi bar. Olar saǵat 08.00-den 20.00-ge deıin jumys isteıdi. 

Daýys berý bıýlletenderi belarýs tilinde daıyndalady. Bul naýqanda olar saılaýshylarǵa arnalǵan eskertpemen tolyqtyrylǵan – zań boıynsha toltyrylǵan bıýlletendi foto jáne beınejazbaǵa túsirýge, sondaı-aq bıýlletendi daýys beretin úı-jaıdan tys jerde alýǵa tyıym salynatyny týraly eskertý.

Daýys berý bıýlleteniniń artqy jaǵy túspen qorǵalǵan. Daýys berý qarsańynda ýchaskelik komıssııanyń keminde eki múshesi bıýlletendiń artyna qol qoıýy kerek. Mundaı qoldar bolmaǵan jaǵdaıda bıýlletender jaramsyz dep esepteledi. 

Buǵan deıin áleýmettik zertteýde Belarýs halqynyń 85,5 paıyzy prezıdent saılaýyna qatysatyny aıtylǵan bolatyn.