Belarýste «Myzǵymas baýyrlastyq-2016» jattyǵýyna UQShU elderinen 1 myńnan astam áskerı qyzmetshi qatysady

ASTANA. QazAqparat - Belarýste Ujymdyq qaýipsizdik týraly shart uıymynyń bitimgerlik kúshterimen 23-27 tamyz aralyǵynda «Myzǵymas baýyrmaldyq-2016» jattyǵýy ótedi, dep habarlady BELTA.

«Jattyǵýǵa UQShU-ǵa múshe barlyq alty memleketten (Armenııa, Belarýs, Qyrǵyzstan, Qazaqstan, Reseı, Tájikstan) qarýly kúshter, ishki ásker quramynan myńnan astam ofıtserler,  bitimger sarbazdar, polıtsııa ókilderi, 500 birlikten astam avıatsııalyq, bronetank, avtomobıl tehnıkasy qatysady», - delingen habarlamada.

UQShU baspasóz hatshysy Vladımır Zaınetdınovtiń aıtýynsha, jattyǵý aǵymdaǵy jyly UQShU kúshteriniń túrli komponentterin birlesken jedel jáne jaýyngerlik daıyndaýda mańyzdy oryn almaq.  Bul josparly, besinshi ret ótip otyrǵan UQShU bitimgerlik jattyǵýy Baranovıchı aýdanynda Obýz-Lesnovsk áskerı polıgonynda ótedi.