Belarýsta ishinde jýrnalıster bolǵan tikushaq apatqa ushyrady
ASTANA. 21 qazan. QazAqparat - Frantsýz kompanııasy jasap shyǵarǵan Memlekettik shekara komıtetiniń Ecureuil AS 355 NP tikushaǵy Postovskoı aýanyndaǵy orman alqabynda apatqa ushyrady.
BELTA-nyń Belarýs Memlekettik shekara komıtetiniń baspasóz qyzmetkeri Aleksandr Tışenkoǵa silteme jasap habarlaýynsha, qaıǵyly apattan bes adam qaza tapty - eki ekıpaj múshesi men «Soıýz» TRK-nyń túsirýshi toby.
«20 qazanda shamamen saǵat 15.45-te shekaradan bir shaqyrym jerdegi Vıleıty aýyly mańynda shekara qyzmeti organdarynyń Ecureuil AS 355 NP tikushaǵy apatqa ushyrady. Tikushaq shekarany qorǵaý qyzmetin atqarǵan bolatyn. Onyń bortynda ekıpajdyń eki múshesi men arnaıy reportaj daıyndaý úshin kelgen «Soıýz» TRK-nyń túsirýshi toby boldy», - dep áńgimeledi Aleksandr Tışenko.
Onyń aıtýynsha, tikushaq qulap, birden otqa oranǵan. Bortta bolǵandardyń bári qaza boldy.
«Qazir apat ornynda arnaıy komıssııa jumys istep jatyr. Osyndaı oqıǵa bola qalǵan jaǵdaıda qoldanylatyn barlyq sharalar júrgizilýde», - dep naqtylady ol.
